പട്ടികജാതി വികസന വകുപ്പിന്റെ കീഴില് ആലുവ സബ് ജയില് റോഡില് പ്രവര്ത്തിക്കുന്ന ഗവണ്മെന്റ് പ്രീ എക്സാമിനേഷന് ട്രെയിനിംഗ് സെന്ററില്, എറണാകുളം, കോട്ടയം, ഇടുക്കി, ആലപ്പുഴ ജില്ലകളിലുള്ള പട്ടികജാതി / പട്ടികവര്ഗ്ഗ വിഭാഗ വിദ്യാര്ഥികള്ക്ക് മൂന്നു മാസം ദൈര്ഘ്യമുള്ള ഡാറ്റാ എന്ട്രി, ഡി.റ്റി.പി. കമ്പ്യൂട്ടര് കോഴ്സുകളുടെ സൗജന്യ പരിശീലനം ഫെബ്രുവരി 17ന് രാവിലെ 10 മണിയ്ക്ക് ആരംഭിക്കും. 18 നും 25 നും ഇടയില് പ്രായമുള്ളവര്ക്ക് അപേക്ഷിക്കാം. പത്താം ക്ലാസാണ് അടിസ്ഥാന യോഗ്യത.
ഡി.റ്റി.പി.കോഴ്സിന് ഡാറ്റാ എന്ട്രിയോ, ഇംഗ്ലീഷ് ടൈപ്പ്റൈറ്റിംഗ് ലോവറോ തത്തുല്യ യോഗ്യതയോ ഉണ്ടായിരിക്കണം.
പരിശീലനത്തിന് തെരഞ്ഞെടുക്കുന്ന പട്ടികജാതി / പട്ടികവര്ഗ്ഗ വിഭാഗ വിദ്യാര്ഥികള്ക്ക് നിയമാനുസൃതം സ്റ്റൈപ്പന്റ് ലഭിക്കും. ക്ലാസ്സില് ചേരാന് താല്പര്യമുള്ളവര് ജാതി, വിദ്യാഭ്യാസയോഗ്യത എന്നിവ തെളിയിക്കുന്ന സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പുകള് സഹിതം ഫെബ്രുവരി 14ന് വൈകുന്നേരം 4.30ന് മുന്പ് സെന്ററില് നേരിട്ടെത്തി അപേക്ഷ സമര്പ്പിക്കണം. അപേക്ഷാ ഫോറത്തിന്റെ മാതൃക ബന്ധപ്പെട്ട ജില്ലാ, ബ്ലോക്ക് പട്ടികജാതി വികസന ഓഫീസുകളില് ലഭിക്കും.
