HIGHLIGHTS : Four people were killed in a boiler explosion at a factory in Thane's Dombivali
മുംബൈ: താനെയിലെ ഡോംബിവാലിയിലെ ഫാക്ടറിയില് ബോയിലര് പൊട്ടിത്തെറിച്ചുണ്ടായ അപകടത്തില് നാലുപേര് മരിച്ചു. നിരവധിപേര്ക്ക് പരിക്കേറ്റു. ഫാക്ടറിയില് നിരവധിപേര് കുടുങ്ങിക്കിടക്കുന്നതായാണ് വിവരം. രക്ഷാപ്രവര്ത്തനം പുരോഗമിക്കുകയാണ്.
കെമിക്കല് ഫാക്ടറിക്കുള്ളിലെ ബോയിലര് പൊട്ടിത്തെറിച്ചതിനെ തുടര്ന്ന് തീപിടിത്തമുണ്ടാവുകയായിരുന്നു. ഫാക്ടറിയില് നിന്ന് മൂന്ന് സ്ഫോടന ശബ്ദങ്ങള് കേട്ടതായി ദൃക്സാക്ഷികള് പറഞ്ഞു. തീ അണയ്ക്കാനുള്ള ശ്രമം ഏറെ കുറെ പൂര്ത്തിയായിട്ടുണ്ട്. 15 ഓളം ഫയര്ഫോഴ്സ് യൂണിറ്റുകള് എത്തിയാണ് തീ അണച്ചത്.