കോഴിക്കോട്: കോഴിക്കോട് പയ്യോളി തിക്കോടിയില് കടലില് ഇറങ്ങിയ രണ്ട് സ്ത്രീകളടക്കം നാലു പേര് തിരയില്പ്പെട്ട് മരിച്ചു. വയനാട് കല്പ്പറ്റ സ്വദേശികളാണ് അപകടത്തില്പ്പെട്ടത്. ഇന്ന് വൈകിട്ടോടെ പയ്യോളി തിക്കോടി കല്ലകത്ത് ബീച്ചിലാണ് സംഭവം. അപകടത്തില്പ്പെട്ട ഒരാളെ ആശുപത്രിയില് പ്രവേശിപ്പിച്ചു. കല്പ്പറ്റയിലെ ജിമ്മില് ഒരുമിച്ച് പരിശീലനം നടത്തുന്നവരാണ് അപകടത്തില്പ്പെട്ടത്.
ജിമ്മിലെ വനിത ട്രെയിനര്മാര് ഉള്പ്പെടെയുള്ള 26 അംഗസംഘമാണ് അപകടത്തില്പ്പെട്ടത്. മുണ്ടേരി സ്വദേശി ഫൈസല്, കല്പ്പറ്റ നോര്ത്ത് സിപിഎം ലോക്കല് കമ്മിറ്റി അംഗം വിനീഷ് (40), അനീസ (35), വാണി (32) എന്നിവരാണ് മരിച്ചത്. ജിന്സി എന്ന സ്ത്രീയെ പരിക്കുകളോടെ കൊയിലാണ്ടി താലൂക്ക് ആശുപത്രിയില് പ്രവേശിപ്പിച്ചു.
വിനോദ യാത്രക്ക് വന്ന സംഘമാണ് അപകടത്തില്പ്പെട്ടത്. മരിച്ച അനീസ, വാണി, വിനീഷ് എന്നിവരുടെ മൃതദേഹം കൊയിലാണ്ടി താലൂക്ക് ആശുപത്രിയിലെ മോര്ച്ചറിയിലേക്ക് മാറ്റി. മരിച്ച ഫൈസലിന്റെ മൃതദേഹം കൊയിലാണ്ടിയിലെ സ്വകാര്യ ആശുപത്രിയിലുമാണുള്ളത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
