കേന്ദ്ര ജല കമ്മീഷന് (CWC) പ്രളയ മുന്നറിയിപ്പ് സംവിധാനം ഇന്നേദിവസം ഉച്ചയ്ക്ക് പുറപ്പെടുവിച്ചിട്ടുള്ള അലര്ട്ട് ആണ് ഇത്. നദികളിലെ ജലനിരപ്പ് അപകടകരമായി ഉയരുന്ന സാഹചര്യത്തില് കേന്ദ്ര ജല കമ്മീഷന് ഓറഞ്ച്, മഞ്ഞ അലര്ട്ടുകള് പ്രഖ്യാപിച്ചിരിയ്ക്കുന്നു.
ഓറഞ്ച് അലര്ട്ട്: ഇടുക്കി ജില്ലയിലെ തൊടുപുഴ (മണക്കാട് സ്റ്റേഷന്), തൃശൂര് ജില്ലയിലെ കരുവന്നൂര് (പാലക്കടവ് സ്റ്റേഷന്),ഗായത്രി (കൊണ്ടാഴി സ്റ്റേഷന്), കീച്ചേരി (കോട്ടപ്പുറം സ്റ്റേഷന്), പാലക്കാട് ജില്ലയിലെ ഭാരതപ്പുഴ (കുമ്പിടി സ്റ്റേഷന്), പുലംതോട് (പുലാമന്തോള് സ്റ്റേഷന്), മലപ്പുറം ജില്ലയിലെ കടലുണ്ടി (കാരത്തോട് സ്റ്റേഷന്) എന്നീ നദികളില് കേന്ദ്ര ജല കമ്മീഷന് ഓറഞ്ച് അലര്ട്ട് പ്രഖ്യാപിച്ചിരിയ്ക്കുന്നു.
മഞ്ഞ അലര്ട്ട്: പത്തനംതിട്ട ജില്ലയിലെ മണിമല (കല്ലൂപ്പാറ സ്റ്റേഷന്), തൃശൂര് ജില്ലയിലെ ചാലക്കുടി (അരങ്ങാലി സ്റ്റേഷന്), കോഴിക്കോട് ജില്ലയിലെ കുറ്റ്യാടി (കുറ്റ്യാടി സ്റ്റേഷന്), കാസറഗോഡ് ജില്ലയിലെ ചന്ദ്രഗിരി (പൂക്കയം സ്റ്റേഷന്), പയസ്വിനി (എരിഞ്ഞിപുഴ സ്റ്റേഷന്) എന്നീ നദികളില് കേന്ദ്ര ജല കമ്മീഷന് മഞ്ഞ അലര്ട്ട് പ്രഖ്യാപിച്ചിരിയ്ക്കുന്നു പാലക്കാട് ജില്ലാ കളക്ടര് അറിയിച്ചു.
കേരള സംസ്ഥാന ദുരന്ത നിവാരണ അതോറിറ്റി ജനങ്ങള് ജാഗ്രത പാലിക്കണമെന്ന് നിര്ദ്ദേശം നല്കിയിട്ടുണ്ട്. പ്രളയസാധ്യത മൂലം നദിയുടെ സമീപപ്രദേശങ്ങളില് താമസിക്കുന്നവര് അതീവ ജാഗ്രത പുലര്ത്താനും സുരക്ഷിത സ്ഥാനങ്ങളിലേക്ക് മാറാനും,പ്രാദേശിക ഭരണകൂടം നല്കിയ നിര്ദ്ദേശങ്ങള് പാലിക്കാനും കേരള സംസ്ഥാന ദുരന്ത നിവാരണ അതോറിറ്റി അറിയിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
