കൊളംബോ ഐഎസ്ആര്ഒ ചാരക്കേസില് കുറ്റവിമുക്തയായ മാലിദ്വീപ് സ്വദേശിനി ഫൗസിയ ഹസന് (80) അന്തരിച്ചു. ഹൃദയാഘാതത്തെ തുടര്ന്നു ശ്രീലങ്കയിലായിരുന്നു അന്ത്യം. ഏറെക്കാലമായി ശ്രീലങ്കയിലാണ് താമസം അര്ബുദരോഗം ബാധിതയായിരുന്ന ഫൗസിയ, ചികിത്സാര്ത്ഥമാണ് ശ്രീലങ്കയില് താമസമാക്കിയത്.
ഐഎസ്ആര്ഒയുടെ രഹസ്യങ്ങള് ചോര്ത്തിയെന്ന കേസില് രണ്ടാം പ്രതി ഫൗസിയ ഹസനായിരുന്നു. ഒന്നാം പ്രതി മാലെ സ്വദേശിയായ മറിയം റഷീദയും 1994 നവംബര് മുതല് 1997 ഡിസംബര് വരെ കേരളത്തില് ജയില്വാസമനുഭവിച്ച ഇരുവരും പിന്നീട് കുറ്റവിമുക്തരായി.
1942 ജനുവരി 8നാണ് ഫൗസിയയുടെ ജനനം. 1998 മുതല് 2008 വരെ മാലദ്വീപിലെ നാഷനല് ഫിലിം സെന്സര് ബോര്ഡില് സെന്സറിങ് ഒഫിസറായിരുന്നു. നൂറോളം ചലച്ചിത്രങ്ങളില് അഭിനയിച്ചിട്ടുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
