പാലക്കാട്: പാലക്കാട് കൊടുന്തരപ്പുള്ളിയില് അച്ഛന് മകനെ വെട്ടി കൊലപ്പെടുത്തി. കൊടുന്തരപ്പുള്ളി സ്വദേശി സിജിലിനെയാണ് അച്ഛന് ശിവന് വെട്ടി കൊലപ്പെടുത്തിയത്. മദ്യപിച്ച് ബഹളമുണ്ടാക്കിയ മകനെ അച്ഛന് കൊലപ്പെടുത്തുകയായിരുന്നു. കാപ്പ കേസ് ഉള്പ്പെടെ നിരവധി കേസില് പ്രതിയാണ് കൊലപ്പെട്ട സിജില്.
കൊടുന്തരപ്പുള്ളിയിലെ വീട്ടില് വച്ചായിരുന്നു സംഭവം. ഇന്നലെ വൈകീട്ട് നാല് മണിയോടെ മദ്യപിച്ച് വീട്ടിലെത്തിയ സിജില് ബഹളമുണ്ടാക്കി എന്നാണ് പൊലീസ് പറയുന്നത്. 8.30 ഓടെ അച്ഛനുമായി വാക്കേറ്റമുണ്ടാവുകയും സംഘര്ഷത്തില് കലാശിക്കുകയുമായിരുന്നു. സംഘര്ഷത്തിനൊടുവില് അച്ഛന് കത്തി ഉപയോഗിച്ച് വെട്ടുകയായിരുന്നുവെന്ന് പൊലീസ് പറയുന്നു.
സിജിലിനെ ഉടന് ആശുപത്രിയില് എത്തിച്ചെങ്കില് ജീവന് രക്ഷിക്കാനായില്ല. കൃത്യത്തിന് ശേഷം ഒളിവില് പോയ അച്ഛന് ശിവന്കുട്ടിയെ രാത്രി പത്തോടെ പോലീസ് പിടികൂടി. ഇയാളെ ചോദ്യംചെയ്തുവരികയാണെന്ന് ടൗണ് നോര്ത്ത് പോലീസ് പറഞ്ഞു.സിജിലിന്റെ മൃതദേഹം പോസ്റ്റ്മോര്ട്ടം നടപടികള്ക്കായി പാലക്കാട് ജില്ലാ ആശുപത്രിയിലേക്ക് മാറ്റി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
