ബിജാപൂര്: ഛത്തീസ്ഗഡില് മാവോയിസ്റ്റുകളും പൊലീസും തമ്മില് ഏറ്റുമുട്ടല്. ബിജാപൂര് ജില്ലയിലെ ഗംഗലൂരിലെ വന മേഖലയിലാണ് ഏറ്റുമുട്ടല്. സംഭവത്തില് മൂന്ന് സുരക്ഷാ ഉദ്യോഗസ്ഥര്ക്ക് വീര്യമൃത്യു. 7 മാവോയിസ്റ്റ് പ്രവര്ത്തകരെ വകവരുത്തിയതായും അധികൃതര് അറിയിച്ചു.
ഗംഗലൂര് പ്രദേശത്തെ വനത്തില് മാവോയിസ്റ്റുകള്ക്കായി നടത്തിയ തെരച്ചിലിനിടെ ആയിരുന്നു വെടിവെയ്പ്പുണ്ടായത്. സംസ്ഥാന പോലീസിന്റെ രണ്ട് യൂണിറ്റുകളായ ഡിആര്ജി, സ്പെഷ്യല് ടാസ്ക് ഫോഴ്സ്, കോബ്ര (കമാന്ഡോ ബറ്റാലിയന് ഫോര് റെസല്യൂട്ട് ആക്ഷന് – സിആര്പിഎഫിന്റെ എലൈറ്റ് യൂണിറ്റ്) എന്നിവയുടെ സംയുക്ത സംഘമായിരുന്നു തെരച്ചില് നടത്തിയത്.
രാവിലെ 9 മണിയോടെ ആയിരുന്നു ഏറ്റുമുട്ടല് ആരംഭിച്ചത്. ഡിആര്ജി ഉദ്യോഗസ്ഥരായ ഹെഡ് കോണ്സ്റ്റബിള് മോനു വഡാഡി, കോണ്സ്റ്റബിള് ദുകാരു ഗോണ്ടെ എന്നിവരാണ് മരിച്ചവരില് രണ്ട് പേര്. രണ്ട് പേര്ക്ക് പരിക്കേല്ക്കുകയും ചെയ്തു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
