കോഴിക്കോട്: എലത്തൂര് ട്രെയിന് ആക്രമണ കേസിന്റെ അന്വേഷണ ചുമതലയിലുണ്ടായിരുന്ന എടിഎസ് സ്ക്വാഡിന്റെ തലവന് ഐജി പി വിജയനെ സര്വീസില് നിന്ന് അന്വേഷണവിധേയമായി സസ്പെന്റ് ചെയ്തു. എലത്തൂര് ട്രെയിന് തീവെപ്പ് കേസിലെ പ്രതിയുടെ സുരക്ഷയില് വീഴ്ച വരുത്തിയത് ചൂണ്ടിക്കാട്ടിയാണ് സസ്പെന്ഷന്. എലത്തൂര് ട്രെയിന് ആക്രമണ കേസിലെ പ്രതി ഷാറൂഖ് സെയ്ഫിയെ മുംബൈയില് നിന്ന് കൊണ്ടുവന്ന ഉദ്യോഗസ്ഥരുമായി ബന്ധപ്പെട്ടുവെന്ന കാരണത്തിലാണ് സസ്പെന്ഷന്. അന്വേഷണവുമായി ബന്ധമില്ലാത്ത ഐജി പി വിജയന് ഉദ്യോഗസ്ഥരെ ബന്ധപ്പെട്ടതിനെതിരെ എഡിജിപി എംആര് അജിത് കുമാറാണ് റിപ്പോര്ട്ട് നല്കിയത്. ഇതിന്റെ അടിസ്ഥാനത്തിലാണ് സസ്പെന്ഷന് ഉത്തരവ് നല്കിയത്.
റിപ്പോര്ട്ടിന് മേലുള്ള തുടരന്വേഷണം പൊലീസ് ആസ്ഥാനത്തെ എഡിജിപി പത്മകുമാര് നടത്തും. സംസ്ഥാനത്തെ മുതിര്ന്ന പൊലീസ് ഉദ്യോഗസ്ഥരില് ഒരാളാണ് ഐജി പി വിജയന്. എലത്തൂര് ട്രെയിന് ആക്രമണം നടന്ന ഉടന് ഐജി പി വിജയന് സ്ഥലത്തെത്തിയിരുന്നു. പിന്നാലെ തീവ്രവാദ വിരുദ്ധ സ്ക്വാഡ് സംഭവത്തില് അന്വേഷണം ആരംഭിച്ചു. ഇതിന് ശേഷമാണ് എഡിജിപി എംആര് അജിത് കുമാറിന്റെ നേതൃത്വത്തില് പ്രത്യേക സംഘത്തെ അന്വേഷണത്തിനായി നിയോഗിച്ചത്.
എലത്തൂര് ട്രെയിന് ആക്രമണ കേസ് റിപ്പോര്ട്ട് ചെയ്ത ഘട്ടത്തില് സംസ്ഥാനത്തെ തീവ്രവാദ വിരുദ്ധ സേനയുടെ മേധാവി ഐജി പി വിജയനായിരുന്നു. കേസന്വേഷണം എന്ഐഎ ഏറ്റെടുത്തതിന് പിന്നാലെ അദ്ദേഹത്തെ ചുമതലയില് നിന്ന് നീക്കിയിരുന്നു. ആ സമയത്ത് പൊതുമേഖലാ സ്ഥാപനമായ കേരളാ ബുക്സ് ആന്റ് പബ്ലിക്കേഷന്സിന്റെ എംഡിയുമായിരുന്നു ഐജി പി വിജയന്. ഈ ചുമതലയില് നിന്നും അദ്ദേഹത്തെ നീക്കിയിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
