ന്യൂയോര്ക്ക്: അമേരിക്കയുടെ 47-ാമത് പ്രസിഡന്റായി ഡോണള്ഡ് ട്രംപ് തിങ്കളാഴ്ച ചുമതലയേല്ക്കും. തെരഞ്ഞെടുപ്പില് ഡെമോക്രാറ്റിക് സ്ഥാനാര്ഥി കമലാ ഹാരിസിനെ തോല്പ്പിച്ചാണ് ട്രംപ് രണ്ടാം തവണയും പ്രസിഡന്റായത്. കാലാവസ്ഥ കണക്കിലെടുത്ത് ഡോണള്ഡ് ട്രംപിന്റെ സ്ഥാനാരോഹണ ചടങ്ങുകള് ക്യാപിറ്റോള് മന്ദിരത്തിനകത്തേക്ക് മാറ്റി. വാഷിംഗ്ടണില് ആര്ക്ടിക് സമാനമായ ശൈത്യത്തിനുള്ള സാധ്യത കണക്കിലെടുത്താണ് അസാധാരണ നടപടി.
തിങ്കളാഴ്ച്ച വാഷിംഗ്ടണില് മൈനസ് 12 ഡിഗ്രി സെല്ഷ്യസ് തണുപ്പാണ് പ്രവചിക്കുന്നത്. ഈ സാഹചര്യത്തിലാണ് അസാധരണ നടപടിയെന്ന് അധികൃതര് അറിയിച്ചു. 40 വര്ഷങ്ങള്ക്കുമുമ്പ് 1985ല് മുന് പ്രസിഡന്റ് റൊണാള്ഡ് റീഗന്റെ രണ്ടാമത്തെ സത്യപ്രതിജ്ഞാ വേളയിലായിരുന്നു അവസാനമായി അതിശൈത്യം കാരണം ഉദ്ഘാടനം കെട്ടിടത്തിനുള്ളില് നടത്തിയതെന്ന് ട്രംപ് ചൂണ്ടിക്കാട്ടി. ലോകത്തെ പ്രമുഖരാണ് ചടങ്ങില് പങ്കെടുക്കുക.
ചൈനീസ് പ്രസിഡന്റ് ഷി ജിന്പിങ് അടക്കമുള്ള പ്രമുഖര് എത്തിയേക്കും. ഇന്ത്യയില് നിന്ന് വിദേശകാര്യമന്ത്രി എസ് ജയശങ്കര് ചടങ്ങില് കേന്ദ്ര സര്ക്കാറിനെ പ്രതിനിധീകരിച്ച് പങ്കെടുക്കും. റിലയന്സ് മേധാവി മുകേഷ് അംബാനി, ഭാര്യ നിതാ അംബാനി എന്നിവരും ചടങ്ങില് പങ്കെടുക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
