കൊല്ക്കത്ത: കൊല്ക്കത്തയിലെ വനിതാ ഡോക്ടറുടെ കൊലപാതകത്തില് പ്രതിഷേധിച്ചുള്ള ഡോക്ടര്മാരുടെ സമരം ഒത്തുതീര്പ്പാകാത്തതിനെ തുടര്ന്ന് രാജി വയ്ക്കാന് തയ്യാറെന്ന പ്രഖ്യാപനവുമായി മുഖ്യമന്ത്രി മമത ബാനര്ജി രംഗത്ത്. സമരം ഒത്തുതീര്പ്പാക്കാനായി ഡോക്ടര്മാരെ നിരന്തരം ചര്ച്ചയ്ക്ക് വിളിച്ചിട്ടും അവര് ചര്ച്ചക്ക് എത്താത്തതിനെ തുടര്ന്നാണ് മമത, രാജിക്കും തയ്യാറെന്ന പ്രതികരണവുമായി രംഗത്തെത്തിയത്. ഇന്ന് ഉച്ചക്ക് ഡോക്ടര്മാരെ മുഖ്യമന്ത്രി ചര്ച്ചക്ക് വിളിച്ചിരുന്നു. രണ്ട് മണിക്കൂറിലേറെ മുഖ്യമന്ത്രി കാത്തിരിന്നിട്ടും ഡോക്ടര്മാര് ചര്ച്ചക്ക് എത്തിയില്ല. പിന്നാലെ നടത്തിയ വാര്ത്താ സമ്മേളനത്തിലാണ് മമത രാജി സന്നദ്ധത അറിയിച്ചത്. ജനങ്ങളുടെ താല്പര്യം കണക്കിലെടുത്ത് രാജിക്ക് തയ്യാറാണെന്നാണ് മുഖ്യമന്ത്രി വ്യക്തമാക്കിയത്.ആര്ജി കര് ആശുപത്രിയില് കൊലചെയ്യപ്പെട്ട ഡോക്ടര്ക്ക് നീതി ലഭിക്കുകതന്നെയാണ് എന്റെയും ആവശ്യം, മമത പറഞ്ഞു.
അതേസമയം പ്രതിഷേധം തണുപ്പിക്കാനുള്ള ശ്രമങ്ങളുടെ കൂടി ഭാഗമായി ബലാല്സംഗ കേസ് പ്രതികള്ക്ക് വേഗത്തില് ശിക്ഷ ഉറപ്പാക്കുന്ന നിയമ ഭേദഗതി നേരത്തെ ബം?ഗാള് സര്ക്കാര് പാസാക്കിയിരുന്നു. ‘അപരാജിത വുമണ് ആന്ഡ് ചൈല്ഡ് ബില് 2024′ സെപ്തംബര് 3 ന് നിയമസഭയില് അവതരിപ്പിച്ച് മമത സര്ക്കാര് പാസാക്കിയെടുത്തിരുന്നു. പ്രത്യേക നിയമസഭാ സമ്മേളനം വിളിച്ചാണ്’അപരാജിത വുമണ് ആന്ഡ് ചൈല്ഡ് ബില് 2024’ പാസാക്കിയത്. ബലാത്സംഗ കേസ് പ്രതികള്ക്ക് ജീവപര്യന്തം തടവുശിക്ഷയും, ഇര കൊല്ലപ്പെട്ടാല് വധശിക്ഷയും ഉറപ്പാക്കുന്നതാണ് നിയമ ഭേദഗതി. ബില് പാസാക്കി ഗവര്ണര്ക്ക് അയച്ചു നല്കിയിട്ടുണ്ട്. ഗവര്ണര് ഒപ്പിട്ടില്ലെങ്കില് രാജ്ഭവന് മുന്നില് സമരമിരിക്കുമെന്നടക്കം മമത നേരത്തെ പ്രഖ്യാപിച്ചിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
