HIGHLIGHTS : 'Crime Branch is behaving like criminals' - Mami's driver and wife released
കോഴിക്കോട്: ക്രൈംബ്രാഞ്ചിന്റെ തുടര്ച്ചയായ ചോദ്യം ചെയ്യല് കാരണമുണ്ടായ മനോവിഷമത്തിലാണ് മാറി നിന്നതെന്നു മാമിയുടെ ഡ്രൈവര് രജിത് കുമാറും ഭാര്യ തുഷാരയും പൊലീസിനു മൊഴി നല്കി. കുറ്റവാളികളോടു പെരുമാറുന്നതു പോലെയാണ് ക്രൈംബ്രാഞ്ച് പെരുമാറിയത്. മാമിയുടെ തിരോധാനത്തില് പങ്കില്ലെന്നും ഇരുവരും നല്കിയ മൊഴിയില് പറയുന്നു.
കഴിഞ്ഞ ദിവസമാണ് രജിത്തിനെയും ഭാര്യയെയും കാണാനില്ലെന്ന് പറഞ്ഞ് ഭാര്യ സഹോദരന് നടക്കാവ് പൊലീസില് പരാതി നല്കിയത്. കോഴിക്കോട് കെഎസ്ആര്ടിസി ബസ് സ്റ്റാന്ഡിന് സമീപത്തെ ലോഡ്ജില് ഇവര് മുറിയെടുത്ത് താമസിച്ചിരുന്നെന്നും, പിന്നീട് ഇവരെക്കുറിച്ച് ഒരു വിവരവും ഇല്ലെന്നാണ് പരാതിയില് സൂചിപ്പിച്ചിരുന്നത്. എലത്തൂര് സ്വദേശി രജിത് കുമാര്, ഭാര്യ തുഷാര എന്നിവരെ ഗുരുവായൂരില് നിന്നാണ് കണ്ടെത്തിയത്.
ഗുരുവായൂരില് നിന്നു കോഴിക്കോട്ട് എത്തിച്ച ഇരുവരേയും മജിസ്ട്രേറ്റിനു മുന്നില് ഹാജരാക്കി വിട്ടയച്ചു. വിശദമായി ചോദ്യം ചെയ്യാന് ക്രൈംബ്രാഞ്ച് വീണ്ടും വിളിപ്പിച്ചേക്കും.
ദുരൂഹ സാഹചര്യത്തില് കാണാതായ റിയല് എസ്റ്റേറ്റ് വ്യാപാരി മുഹമ്മദ് ആട്ടൂരിന്റെ (മാമി) തിരോധാനവുമായി ബന്ധപ്പെട്ട് ക്രൈംബ്രാഞ്ച് മാമിയുടെ ഡ്രൈവറായിരുന്ന രജിത് കുമാറിനെയും ഭാര്യയെയും ചോദ്യം ചെയ്തിരുന്നു. ഫോണ് പൊലീസ് പിടിച്ചെടുത്ത് ഫോറന്സിക് പരിശോധനയ്ക്ക് അയച്ചിരുന്നു.
കോഴിക്കോട് നിന്നു ദമ്പതികള് ഓട്ടോറിക്ഷയില് കയറി പോകുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചിരുന്നു. ഓട്ടോയില് പോയത് റെയില്വേ സ്റ്റേഷനിലേക്കാണെന്നും, അവിടെ നിന്നു അവര് തെക്കോട്ടുള്ള ട്രെയിനില് കയറിയതായും പൊലീസ് കണ്ടെത്തി. ഇതേത്തുടര്ന്ന് ഇവരുടെ ചിത്രം സഹിതമുള്ള പോസ്റ്റര് പൊലീസ് പുറത്തിറക്കി. ഇതാണ് വഴിത്തിരിവായത്. ദമ്പതികള് ഗുരുവായൂരിലെ ഒരു ലോഡ്ജിലുണ്ടെന്ന് പൊലീസിന് വിവരം ലഭിച്ചു.
പൊലീസെത്തി ഇവരെ കസ്റ്റഡിയില് എടുക്കുകയായിരുന്നു. അടുത്തിടെ രജിത് കുമാര് മാമി ആക്ഷന് കൗണ്സിലിന്റെ വാട്സ് ആപ്പ് ?ഗ്രൂപ്പില് ഒരു വോയ്സ് സന്ദേശം പോസ്റ്റ് ചെയ്തിരുന്നു. അന്വേഷണത്തില് നടക്കാവ് പൊലീസിന്റെ ഭാ?ഗത്തു നിന്ന് വീഴ്ചയുണ്ടായി. തങ്ങളെ കുടുക്കുവാന് ശ്രമം നടക്കുകയാണെന്നായിരുന്നു ആരോപണം. 20 വര്ഷത്തിലേറെയായി രജിത് കുമാര് മാമിയുടെ ഡ്രൈവറായിരുന്നു. 2023 ഓഗസ്റ്റ് 21 നാണ് മുഹമ്മദ് ആട്ടൂര് എന്ന മാമിയെ കാണാതാകുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
