HIGHLIGHTS : Congress Palestine Solidarity Rally on November 23 Kozhikode
കോഴിക്കോട്: പലസ്തീന് ഐക്യദാര്ഢ്യം പ്രഖ്യാപിച്ച് കോണ്ഗ്രസിന്റെ നേതൃത്വത്തില് കോഴിക്കോട് റാലി സംഘടിപ്പിക്കുമെന്ന് കെപിസിസി അധ്യക്ഷന് കെ സുധാകരന്. കോഴിക്കാട് കടപ്പുറത്ത് ഈ മാസം 23 ന് വൈകുന്നേരമാണ് റാലി. കോഴിക്കോട് എംപി എംകെ രാഘവനാണ് റാലിയുടെ ഏകോപന ചുമതല.
പലസ്തീന് ജനതയുടെ അവകാശം ഹനിക്കുന്നത് അംഗീകരിക്കാനാകില്ലെന്ന് കെ സുധാകരന് പറഞ്ഞു. ജവഹര്ലാല് നെഹ്റു മുതല് മന്മോഹന് സിംഗ് വരെയുള്ള കോണ്ഗ്രസ് സര്ക്കാരുകള് രാജ്യം ഭരിച്ചപ്പോള് അന്തസോടെയും സമാധാനത്തോടെയും ജീവിക്കാനുള്ള പലസ്തീന് ജനതയുടെ പോരാട്ടത്തിന് പിന്തുണ നല്കിയ പാരമ്പര്യമാണുള്ളതെന്നും ഇതുതന്നെയാണ് കോണ്ഗ്രസ് എക്കാലവും ഉയര്ത്തിപ്പിടിക്കുന്ന നിലപാടെന്നും സുധാകരന് കൂട്ടിച്ചേര്ത്തു.
ഇന്ത്യ ഇന്നു വരെ സ്വീകരിച്ചുപോന്നിരുന്ന മതേതര ജനാധിപത്യ മൂല്യങ്ങളെ തകിടം മറിച്ച് ഒരു പക്ഷം ചേര്ന്നുള്ള മോദി ഭരണകൂടത്തിന്റെ നിലപാടും നയവും സമീപനവും ലജ്ജാകരമാണ്. കേരളത്തില് രാഷ്ട്രീയ നേട്ടത്തിനും തെരഞ്ഞെടുപ്പ് ലാഭത്തിനുമായി പലസ്തീന് ജനതയുടെ ദുര്വിധിയെ ദുരുപയോഗം ചെയ്യുന്ന സിപിഎമ്മിന്റെ കപടത തുറന്നുകാട്ടുന്ന വേദി കൂടിയാകും കോണ്ഗ്രസ് സംഘടിപ്പിക്കുന്ന റാലിയെന്നും സുധാകരന് വ്യക്തമാക്കി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു