കൊച്ചി: വിവാഹവാഗ്ദാനം നല്കി പീഡിപ്പിച്ചെന്ന പരാതിയില് വ്ളോഗറും നടനുമായ ശ്രീകാന്ത് വെട്ടിയാര്ക്കെതിരേ പോലീസ് കേസെടുത്തു. കൊല്ലം സ്വദേശിനിയുടെ പരാതിയിലാണ് എറണാകുളം സെന്ട്രല് പോലീസ് ബലാത്സംഗക്കുറ്റം ചുമത്തി കേസെടുത്തത്. സംഭവത്തില് അന്വേഷണം ആരംഭിച്ചതായി പോലീസ് പറഞ്ഞു.
കൊച്ചിയിലെ ഹോട്ടലുകളിലും ആലുവയിലെ ഫ്ളാറ്റിലും എത്തിച്ച് ശ്രീകാന്ത് വെട്ടിയാര് പീഡിപ്പിച്ചെന്നാണ് പരാതിയില് പറയുന്നത്. വിവാഹവാഗ്ദാനം നല്കിയായിരുന്നു പീഡനമെന്നും പരാതിയിലുണ്ട്.
ദിവസങ്ങള്ക്ക് മുമ്പേ സാമൂഹികമാധ്യമങ്ങളില് ശ്രീകാന്ത് വെട്ടിയാര്ക്കെതിരേ ‘മീടൂ’ ആരോപണങ്ങള് ഉയര്ന്നിരുന്നു. ഈ ആരോപണങ്ങള് ഉന്നയിച്ചവരിലൊരാളാണ് ചൊവ്വാഴ്ച എറണാകുളം സെന്ട്രല് പോലീസ് സ്റ്റേഷനിലെത്തി നേരിട്ട് പരാതി നല്കിയത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
