തിരുവനന്തപുരം: നെയ്യാറ്റിന്കരയില് ആത്മഹത്യാ ശ്രമത്തിനിടെ മരിച്ച രാജന്റെയും അമ്പിളിയുടെയും മക്കളെ സന്ദര്ശിച്ച് തിരുവനന്തപുരം ജില്ലാ കളക്ടര് നവ്ജ്യോത് സിങ് ഖോസ. അച്ഛന് സമീപം അമ്മയെയും സംസ്കരിക്കണമെന്ന് മക്കള് കളക്ടറോട് ആവശ്യപ്പെട്ടു.പോലീസുകാര്ക്കെതിരെ നടപടി എടുക്കുമെന്നും കളക്ടര് പറഞ്ഞു.
കളക്ടറുടെ വാക്കുകള് വിശ്വാസത്തിലെടുക്കുന്നുവെന്ന് കുട്ടികള് അറിയിച്ചു.അമ്പിളിയുടെ മൃതദേഹവുമായി എത്തിയ ആംബുലന്സ് നാട്ടുകാര് തടഞ്ഞിരുന്നു. നീതി കിട്ടാതെ മൃതദേഹം സംസ്കരിക്കാന് അനുവദിക്കില്ലെന്ന് ചൂണ്ടിക്കാട്ടി നാട്ടുകാര് പ്രതിഷേധിച്ചിരുന്നു.കളക്ടറുമായി ചര്ച്ച നടത്തിയതിന്റെ അടിസ്ഥാനത്തില് പ്രതിഷേധം അവസാനിപ്പിച്ചു.
പ്രതിഷേധക്കാരുടെ ആവശ്യങ്ങള് മുഖ്യമന്ത്രിയുടെ ശ്രദ്ധയില്പ്പെടുത്താമെന്നും കളക്ടര് ഉറപ്പ് നല്കിയിട്ടുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
