റാഞ്ചി: ഹേമന്ത് സോറന് ജാര്ഖണ്ഡ് മുഖ്യമന്ത്രി ആയി വീണ്ടും അധികാരമേല്ക്കും. ഇന്ന് ചേര്ന്ന നിയമസഭാ കക്ഷി യോഗത്തില് ആണ് തീരുമാനം. ചംപൈ സോറന് സ്ഥാനം ഒഴിയും. കഴിഞ്ഞ വെള്ളിയാഴ്ചയാണ് ഹേമന്ത് സോറന് ഇഡി കേസില് ജാമ്യത്തില് പുറത്തിറങ്ങിയത്. ഒക്ടോബറില് നിയമസഭാ തെരഞ്ഞെടുപ്പ് നടക്കാനിരിക്കെയാണ് ജെഎംഎം നിര്ണായക തീരുമാനം എടുത്തത്.
ഭൂമി അഴിമതി കേസില് ജനുവരി 31 ന് രാത്രിയാണ് എന്ഫോഴ്സമെന്റ് ഡയറക്ടറേറ്റ് ഹേമന്ത് സോറനെ അറസ്റ്റ് ചെയ്തത്. അറസ്റ്റ് രേഖപ്പെടുത്തുന്നതിന് തൊട്ടുമുന്പ് ഹേമന്ത് സോറന് മുഖ്യമന്ത്രി സ്ഥാനം രാജിവെച്ചിരുന്നു.
ഭൂമി ഇടപാടുമായി ബന്ധപ്പെട്ട കേസില് ജനുവരി 20ന് സോറനെ ഇ ഡി ചോദ്യം ചെയ്തിരുന്നു. തുടര്ന്ന് ഇഡി കസ്റ്റഡിയിലായതിനു പിന്നാലെ സോറന് രാജി സമര്പ്പിക്കുകയായിരുന്നു.
പിന്നാലെ ചംപായ് സോറന് മുഖ്യമന്ത്രിയായി സത്യപ്രതിജ്ഞ ചെയ്തു. ഭരണപക്ഷത്തിന് 47 വോട്ടും പ്രതിപക്ഷത്തിന് 29 വോട്ടുമാണ് വിശ്വാസ വോട്ടെടുപ്പില് നേടാനായത്. സര്ക്കാരിന് 41 വോട്ടായിരുന്നു ഭരണം നിലനിര്ത്താന് വേണ്ടിയിരുന്നത്. രാഷ്ട്രീയ കൂറുമാറ്റങ്ങള് ഇല്ലാതിരുന്നതിനാല് സര്ക്കാരിന് ഇളക്കം തട്ടിയില്ല. ജാര്ഖണ്ഡ് ഹൈക്കോടതിയാണ് ഹേമന്ത് സോറന് ജാമ്യം അനുവദിച്ചത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
