മലപ്പുറത്ത് ദേശീയപാതക്കായി മരം മുറിച്ചപ്പോള് പക്ഷികള് ചത്ത സംഭവത്തില് മന്ത്രി പി എ മുഹമ്മദ് റിയാസ് ദേശീയപാതാ അതോറിറ്റിയോട് റിപ്പോര്ട്ട് ആവശ്യപ്പെട്ടു. ദേശീയപാതാ അതോറിറ്റിയുടെ കീഴിലുള്ള നിര്മ്മാണമായതിനാലാണ് റിപ്പോര്ട്ട് ആവശ്യപ്പെട്ടത്. സംഭവത്തില് ആവശ്യമായ നടപടി സ്വീകരിക്കാനും നാഷണല് ഹൈവേ അതോറിറ്റിയോട് ആവശ്യപ്പെട്ടു. കരാറുകാരനെതിരെ ശക്തമായ നടപടി വേണമെന്നാണ് ആവശ്യപ്പെട്ടിട്ടുണ്ട്.
അതേസമയം കരാറുകാര്ക്കെതിരെ വനം വകുപ്പ് കേസെടുക്കും. വന്യജീവി സംരക്ഷണ നിയമപ്രകാരമാണ് കേസ് രജിസ്റ്റര് ചെയ്യുന്നത്. ഷെഡ്യൂള് 4 ല് പ്പെട്ട അമ്പതിലേറെ നീര്ക്കാക്ക കുഞ്ഞുങ്ങള് ജീവന് നഷ്ടമായെന്നാണ് പ്രാഥമിക നിഗമനം.
മുട്ട വിരിഞ്ഞ ശേഷം, പക്ഷിക്കുഞ്ഞുങ്ങള്ക്ക് പറക്കാനും ആയ ശേഷമേ മരം മുറിക്കാവൂ എന്ന കര്ശന നിര്ദേശങ്ങള് പോലും കരാറുകാരന് ലംഘിച്ചെന്ന് വനം വകുപ്പ് പറയുന്നു . വനം വകുപ്പ് ഇന്ന് പ്രദേശവാസികളില് നിന്നും മൊഴിയെടുക്കും.
