കൊളത്തൂര്: മലപ്പുറം കൊളത്തൂരില് വന് ചന്ദനവേട്ട. കാറില് ഒളിപ്പിച്ചുകടത്തിയ ഒരു ക്വിന്റല് ചന്ദനശേഖരവുമായി രണ്ടു പേര് പിടിയില്. അരക്കോടിയോളം രൂപ വിലവരുന്ന ചന്ദനമാണ് പിടികൂടിയത്. രണ്ടു പേരാണ് കൊളത്തൂരില് പിടിയിലായത്. മഞ്ചേരി കോട്ടുപറ്റ സ്വദേശി അത്തിമണ്ണില് അലവിക്കുട്ടി, ഏറ്റുമാനൂര് പട്ടിത്താനം സ്വദേശി കല്ലുവിതറും തടത്തില് സന്തോഷ് എന്നിവരാണ് അറസ്റ്റിലായത്.
ആന്ധ്ര, തമിഴ്നാട് സംസ്ഥാനങ്ങളില് നിന്ന് ആഡംബര വാഹനങ്ങളിലെ രഹസ്യ അറകളില് ചന്ദനമരത്തടികള് കേരളത്തിലേക്ക് കടത്തുന്നതായി പൊലീസിന് രഹസ്യവിവരം ലഭിച്ചിരുന്നു. വാഹന പരിശോധനയിലാണ് കാറിന്റെ ബാക്ക് സീറ്റിനടിയില് രഹസ്യ അറയുണ്ടാക്കി ഒളിപ്പിച്ച് കടത്തിയ ചന്ദമരക്കഷണങ്ങളുമായി ഇവര് പിടിയിലായത്.
തമിഴ്നാട് കേന്ദ്രീകരിച്ച് പ്രവര്ത്തിക്കുന്ന സംഘമാണ് ചന്ദനം കൈമാറിയതെന്നും സംഘത്തിലെ മറ്റുള്ളവരുടെ വിവരങ്ങള് ശേഖരിച്ചുവരികയാണെന്നും പൊലീസ് അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
