HIGHLIGHTS : Ban on filming of movies and serials in and around Secretariat
തിരുനന്തപുരം:സെക്രട്ടറിയേറ്റിലും പരിസരങ്ങളിലും ഇനിമുതല്‍ സിനിമ-സീരിയല്‍ ചിത്രീകരണം അനുവദിക്കില്ല. സുരക്ഷ കണക്കിലെടുത്താണ് ആഭ്യന്തരവകുപ്പ് ഇത്തരത്തില്‍ നിരോധനം ഏര്‍പ്പെടുത്തിയിരിക്കുന്നത്.
സെക്രട്ടറിയേറ്റും പരിസരവും അതീവ സുരക്ഷ മേഖലയായതുകൊണ്ടാണ് തീരുമാനം എന്നാണ് വിവരം.
സിനിമ-സീരിയല്‍ ചിത്രീകരണത്തിനായി അനുമതി തേടിയുള്ള അപേക്ഷകള്‍ സര്‍ക്കാര്‍ തള്ളി.
സിനിമ ചിത്രീകരണത്തിന്റെ ഭാഗമായി ഒട്ടേറെ ആളുകള്‍ സെക്രട്ടറിയേറ്റിനുള്ളില്‍ പ്രവേശിക്കുമ്പോള്‍ ഇവരെയെല്ലാം പരിശോധിച്ച് കടത്തിവിടുക എന്നുള്ളതും ശ്രമകരമായ ജോലിയാണ്. കൂടാതെ ചിത്രീകരണവേളകളില്‍ സെക്രട്ടറിയേറ്റിനുള്ളില്‍ ഭക്ഷണവിതരണം ഉള്‍പ്പെടെ നടത്തുന്നതും ബുദ്ധിമുട്ട് സൃഷ്ടിക്കുന്നതായും സര്‍ക്കുലറില്‍ പറയുന്നു.
അതെസമയം ഔദ്യോഗിക ചിത്രീകരണങ്ങള്‍ മാത്രം പിആര്‍ഡിയുടെ നേതൃത്വത്തില്‍ നടത്തും.
