കല്പ്പറ്റ: വയനാട്ടില് വീണ്ടും കാട്ടാന ആക്രമണം. സുല്ത്താന് ബത്തേരി നൂല്പ്പുഴയില് കാട്ടാനയുടെ ആക്രമണത്തില് യുവാവിന് ദാരുണാന്ത്യം. നൂല്പ്പുഴ കാപ്പാട് ഉന്നതിയിലെ മനു (45) ആണ് മരിച്ചത്. ഇന്നലെ വൈകിട്ടാണ് മാനുവിനെ കാട്ടാന ആക്രമിച്ചത്. കടയില് പോയി സാധനങ്ങള് വാങ്ങി തിരികെ വരുന്നതിനിടെയാണ് ആക്രമണം ഉണ്ടായത്. വയനാട്ടിലെ അതിര്ത്തിയിലുള്ള പഞ്ചായത്താണ് നൂല്പ്പുഴ. വനാതിര്ത്തി മേഖലയിലാണ് സംഭവമെന്നാണ് വിവരം. പാടത്ത് മരിച്ച നിലയിലാണ് മാനുവിനെ കണ്ടെത്തിയത്. കാണാതായതോടെ ഇന്ന് പുലര്ച്ചെ നടത്തിയ തിരച്ചിലിലാണ് ജഡം കണ്ടത്.
ഇടുക്കി പെരുവന്താനം കൊമ്പന് പാറയില് കാട്ടാന ആക്രമണത്തില് സോഫിയ എന്ന സ്ത്രീ കൊല്ലപ്പെട്ട സംഭവത്തിന് പിന്നാലെയാണിപ്പോള് വയനാട്ടിലും കാട്ടാന ആക്രമണത്തില് ഒരാള് കൊല്ലപ്പെടുന്നത്.
കൊല്ലപ്പെട്ട സോഫിയയുടെ കുടുംബത്തിന് പത്ത് ലക്ഷം രൂപ ധനസഹായമായി നല്കുമെന്ന് കളക്ടര് വി. വിഗ്നേശ്വരി ഉറപ്പു നല്കിയിരുന്നു. തുടര്ന്ന് നാട്ടുകാര് തത്കാലത്തേക്ക് പ്രതിഷേധം അവസാനിപ്പിച്ചു. സോഫിയയുടെ പോസ്റ്റ്മോര്ട്ടം ഇന്ന് നടക്കും.പ്രതിഷേധത്തെ തുടര്ന്ന് ഇന്ന് പുലര്ച്ചെയാണ് മൃതദേഹം മാറ്റാന് കഴിഞ്ഞത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
