അല് ഖ്വയ്ദ തലവന് അയ്മന് അല് സവാഹിരിയെ വധിച്ചുവെന്നകാര്യം സ്ഥിരീകരിച്ച് അമേരിക്കന് പ്രസിഡന്റ് ജോ ബൈഡന്. അഫ്ഗാനിസ്ഥാനില് നടത്തിയ ഡ്രോണ് ആക്രമണത്തിലൂടെയാണ് സവാഹിരിയെ വധിച്ചത്. അഫ്ഗാന് തലസ്ഥാനമായ കാബൂളില് അമേരിക്കന് ചാര സംഘടനയായ സിഐഎയാണ് തീവ്രവാദ വിരുദ്ധ ഓപ്പറേഷന് നടത്തിയതെന്ന് ബൈഡന് സ്ഥിരീകരിച്ചു. നീതി നടപ്പിലായെന്ന് പറഞ്ഞുകൊണ്ടാണ് ബൈഡന് കാബൂളിലെ ഡ്രോണ് ആക്രമണത്തെക്കുറിച്ച് അറിയിച്ചത്.
കാബൂളിലെ വസതിയുടെ ബാല്ക്കണിയില് നില്ക്കവെ രണ്ട് മിസൈലുകള് അയച്ചാണ് ഭീകരവാദി നേതാവിനെ കൊലപ്പെടുത്തിയതെന്ന് ബിബിസി റിപ്പോര്ട്ടുചെയ്തു.
11 വര്ഷം മുന്പ് ഒസാമ ബിന്ലാദനെ അമേരിക്ക വധിച്ച ശേഷം അയ്മന് അല് സവാഹിരിയായിരുന്നു അല്ഖ്വയ്ദ തലവന്. വേള്ഡ് ട്രേഡ് സെന്റര് ആക്രമണത്തിന്റെ മുഖ്യ സൂത്രധാരന് ഇയാളാണെന്നും കണ്ടെത്തലുകളുണ്ട്. ബിന്ലാദന്റെ സ്വകാര്യ വൈദ്യനായും ഇയാള് പ്രവര്ത്തിച്ചിട്ടുണ്ട്.
