കൊച്ചി : കൊച്ചിയിലെ നടി നല്കിയ ലൈംഗിക പീഡന പരാതിയില് മുകേഷ് എംഎല്എക്കെതിരെ പൊലീസ് കേസെടുത്തു. ജാമ്യമില്ലാ വകുപ്പുകള് പ്രകാരം കൊച്ചി മരട് പൊലീസാണ് കേസ് രജിസ്റ്റര് ചെയ്തത്. അമ്മയില് അംഗത്വവും ചാന്സും വാഗ്ദാനം ചെയ്ത് നടിയെ പീഡിപ്പിച്ചെന്നാണ് പരാതി. എറണാകുളം സ്വദേശിയായ യുവതിയുടെ പരാതിയിലാണ് കേസെടുത്തിരിക്കുന്നത്. കഴിഞ്ഞ ദിവസം പ്രത്യേക അന്വേഷണ സംഘം പരാതിക്കാരിയുടെ മൊഴിയെടുത്തിരുന്നു.
മുകേഷിന് പുറമേ ജയസൂര്യ, മണിയന്പിള്ള രാജു , ഇടവേള ബാബു എന്നിവര്ക്കെതിരെയും രണ്ട് പ്രൊഡക്ഷന് കണ്ട്രോളര്മാര്ക്കെതിരെയും ലോയേഴ്സ് കോണ്ഗ്രസ് നേതാവ് ചന്ദ്രശേഖരനെതിരെയും നടി പരാതി നല്കിയിട്ടുണ്ട്. ഇതില് ജയസൂര്യക്കെതിരെ തിരുവനന്തപുരം കെന്ര്റോണ്മെന്റ് പൊലീസ് കേസെടുത്തിട്ടുണ്ട്.
മുകേഷ് എം.എല്.എ, ഇടവേള ബാബു, മണിയന്പിള്ള രാജു, കോണ്ഗ്രസ് നേതാവ് അഡ്വ.വി.എസ്.ചന്ദ്രശേഖരന്, കാസ്റ്റിംഗ് ഡയറക്ടര് വിച്ചു , പ്രൊഡക്ഷന് കണ്ട്രോളര് നോബിള് എന്നിവര്ക്കെതിരെ കൊച്ചിയില് കേസ് രജിസ്റ്റര് ചെയ്യാനാണ് അന്വേഷണ സംഘത്തിന്റെ തീരുമാനം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
