കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില് ജയിലില് കഴിയുന്ന നടന് ദിലീപിന്റെ ജാമ്യഹര്ജി ഇന്നു ഹൈക്കോടതി പരിഗണിക്കും. അഞ്ചാം തവണയാണ് ദിലീപ് ജാമ്യത്തിനായി കോടതിയെ സമീപിക്കുന്നത്. 79 ദിവസമായി ദിലീപ് ആലുവ സബ് ജയിലിലാണ്.
നേരത്തെ ഹൈക്കോടതിയും അങ്കമാലി മജിസ്ട്രേറ്റ് കോടതിയും രണ്ടുതവണ വീതം തള്ളിയിരുന്നു. ദിലീപിനു ജാമ്യം അനുവദിച്ചാല് കേസിലെ സാക്ഷികളെ സ്വാധീനിക്കാനും തെളിവുകള് നശിപ്പിക്കാനും ഇടയുള്ളതിനാല് പ്രോസിക്യൂഷന് ജാമ്യഹര്ജിയെ എതിര്ത്തിരുന്നു.
നേരത്തെ ജാമ്യഹര്ജി തള്ളിയ ബെഞ്ചാണ് ഇന്നും ഹര്ജി പരിഗണിക്കുന്നത് , സോപാധിക ജാമ്യം അനുവദിക്കണമെന്നാണ് ദിലീപിന്റെ ആവശ്യം.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
