HIGHLIGHTS : Actress assault case; The High Court dismissed plea
കൊച്ചി: നടിയെ ആക്രമിച്ച കേസില് അതിജീവിതയുടെ വിചാരണ കോടതി മാറ്റണമെന്നാവശ്യപ്പെട്ടുള്ള ഹര്ജി ഹൈക്കോടതി സിംഗിള് ബെഞ്ച് തള്ളി.
കേസിന്റെ വിചാരണ പ്രിന്സിപ്പല് സെഷന്സ് കോടതിയില് തന്നെ തുടരും. വിധിയുടെ വിശദാംശങ്ങള് പ്രസിദ്ധീകരിക്കുന്നത് തടയണമെന്ന് അതിജീവിത ആവശ്യപ്പെട്ടു. എന്നാല് അത്തരത്തിലുള്ള കീഴ് വഴക്കമില്ലെന്ന് പ്രതിഭാഗം വ്യക്തമാക്കി.
വിചാരണ കോടതി ജഡ്ജിയുമായും അവരുടെ ഭര്ത്താവുമായും എട്ടാം പ്രതിയായ ദിലീപിന് അടുത്ത ബന്ധമുണ്ടെന്നും പൊലീസിന് ലഭിച്ച വോയ്സ് ക്ലിപ്പുകളില് ഇത് സംബന്ധിച്ച തെളിവുകളുണ്ടെന്നും ആരോപിച്ചായിരുന്നു അതിജീവിത ഹര്ജി നല്കിയത്.
ഹണി എം. വര്ഗീസ് വിചാരണ നടത്തിയാല് തനിക്ക് നീതി ലഭിക്കില്ലെന്നും നീതിയുക്തവുമായ വിചാരണ ഉണ്ടാകില്ലെന്ന ആശങ്ക ഉണ്ടെന്നും അതിജീവിത കോടതിയില് വാദിച്ചിരുന്നു.