തൃശ്ശൂര്: സംവിധായകന് മേജര് രവിയ്ക്കെതിരെ ഇരിങ്ങാലക്കുട പൊലീസ് കേസെടുത്തു. ധനകാര്യ സ്ഥാപനത്തെ പറ്റിച്ചെന്ന പരാതിയില് വഞ്ചനാക്കുറ്റം ചുമത്തിയാണ് കേസെടുത്തത്. ജാമ്യമില്ലാ വകുപ്പുകള് ചുമത്തിയാണ് കേസെടുത്തിരിക്കുന്നത്. ധനകാര്യ സ്ഥാപനത്തെ കബളിപ്പിച്ച് പന്ത്രണ്ട് ലക്ഷം രൂപ തട്ടിയെന്ന കേസിലാണ് ഇരിങ്ങാലക്കുട പൊലീസ് കേസ് എടുത്തത്. വഞ്ചനാക്കുറ്റത്തിനാണ് ജാമ്യമില്ലാ വകുപ്പുകള് പ്രകാരം കേസ് എടുത്തത്.
മേജര് രവിയുടെ തണ്ടര്ഫോഴ്സ് സ്ഥാപനത്തിന്റെ സഹഉടമകളെയും കേസില് പ്രതി ചേര്ത്തു. തണ്ടര്ഫോഴ്സ് എന്ന സെക്യൂരിറ്റി സ്ഥാപനത്തിന്റെ ഡയറക്ടറാക്കാമെന്നു പറഞ്ഞ് പലപ്പോഴായി ലക്ഷങ്ങള് തട്ടിയെടുത്തെന്ന് ആരോപിച്ച് നല്കിയ പരാതിയിലാണ് കേസ്. മേജര് രവിയുടെ അക്കൗണ്ടിലേക്കാണ് കൂടുതല് തുകയും ഇയാള് നല്കിയിരുന്നതെന്ന് പരാതിക്കാരന് പറയുന്നു. മാസം 10 ലക്ഷം രൂപ വരുമാനം ലഭിക്കുമെന്ന ഉറപ്പിലാണ് ഈ തുക നല്കിയതെന്നും എന്നാല് ഡയറക്ടര് ബോര്ഡില് ഉള്പ്പെടുത്തിയില്ലെന്നും നല്കിയ പണം തിരികെ ലഭിച്ചില്ലന്നുമാണ് പരാതി.
പരാതിയില് നടപടി ആവശ്യപ്പെട്ട് ധനകാര്യ സ്ഥാപനം നേരത്തെ ഇരിങ്ങാലക്കുട കോടതിയെ സമീപിച്ചിരുന്നു. കോടതി നിര്ദ്ദേശ പ്രകാരമാണ് പൊലീസ് കേസെടുത്തിരിക്കുന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
