ചെന്നൈ:തമിഴ്നാടിലെ കള്ളക്കുറിച്ചി വിഷമദ്യ ദുരന്തത്തില് മരണസംഖ്യ 55 ആയി. മരിച്ചവരില് സ്ത്രീകളും ട്രാന്സ്ജെന്ഡര് വ്യക്തിയും ഉള്പ്പെടുന്നു. സംഭവത്തില് തമിഴ്നാട് സര്ക്കാര് ജുഡീഷ്യല് അന്വേഷണം പ്രഖ്യാപിച്ചിട്ടുണ്ട്.
മരിച്ചവരുടെ കുടുംബത്തിന് 10 ലക്ഷം രൂപ വീതം ധനസഹായവും ദുരന്തത്തില് അച്ഛനമ്മമാര് നഷ്ടപ്പെട്ട കുട്ടികളുടെ വിദ്യാഭ്യാസ ചിലവും സര്ക്കാര് ഏറ്റെടുക്കുമെന്ന് നേരത്തെ പ്രഖ്യാപിച്ചിരുന്നു.
മദ്യത്തില് മെഥനോള് അടങ്ങിയിരുന്നതായി അറിഞ്ഞിരുന്നില്ലെന്നാണ് മരിച്ചവരുടെ ബന്ധുക്കള് പറയുന്നത്. മദ്യം വാങ്ങി കഴിച്ചതിന് പിന്നാലെ വയറുവേദന, തലകറക്കം, കണ്ണെരിച്ചില് തുടങ്ങിയ ശാരീരിക ബുദ്ധിമുട്ടുകള് ഉണ്ടാകുകയായിരുന്നു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
