തമിഴ്സൂപ്പര്സ്റ്റാര് രജനികാന്തിന് 12-121-12 ന് 62-ാം പിറന്നാള്. മാജിക് ബര്ത്ത്ഡേ എന്ന് പേരിട്ടിരിക്കുന്ന ഈ പിറന്നാള് ഒരാഘോഷമാക്കാനുള്ള പടപ്പുറപ്പാടിലാണ് ആരാധകരും സുഹൃത്തുക്കളും കുംബാംഗങ്ങളും.
രജനിയുടെ പിറന്നാള് ദിവസമായി എത്തിയ 12-12-12 കൂട്ടിയാല് കിട്ടുന്ന 36 ന് മറ്റൊരു പ്രത്യേകത കൂടിയുണ്ട്. ബസ് കണ്ടക്ടറായ രജനി ബാംഗ്ലൂരില് നിന്നും കോളിവുഡിന്റെ അഭിനയ സാമ്രാട്ടായി മാറിയിട്ട് 36 വര്ഷം തികയുന്നു എന്നതാണ് ആ പ്രത്യേകത.
ഇതിനുപുറമെ രജനിയുടെ 2007 ല് പുറത്തിറങ്ങിയ സൂപ്പര് ഹിറ്റ് ചിത്രമായ ശിവാജിയുടെ ത്രീഡി പതിപ്പ് റിലീസ് ചെയ്യുന്നതും 12-12-12 നാണ്. കൂടാതെ വിജയ് ആന്റണി സംഗീതം നിര്വഹിച്ച് രജനിയുടെ ആരാധകന് ബി ലോറന്സ് പുറത്തിറക്കുന്ന രജനീകാന്തിനെ കുറിച്ചുള്ള ആല്ബത്തിന്റെ പ്രകാശനവും 12-1ാെ2-12 ന് ചെന്നൈയില് നടക്കും. ഇതിനെല്ലാം പുറമെ പെന്ഗ്വിന് ബുക്ക്സ് പുറത്തിറക്കുന്ന രജനിയുടെ സമഗ്രമായ ജീവചരിത്രഗ്രന്ഥവും ഇതേ ഗിവസം പ്രകാശനം ചെയ്യുന്നു.
ഏതായാലും സ്റ്റൈല് മന്നന്റെ മാജിക് ബര്ത്തിഡേയെ ആകാംഷയോടെയും ആഹ്ലാദത്തോടെയും സ്വീകരിക്കാനുള്ള ഒരുക്കത്തിലാണ് ലോകമെമ്പാടുമുള്ള അദേഹത്തിന്റെ ആരാധകര്.
