തൃശൂര്: തൃശൂരില് വെടിക്കെട്ട് നിര്മ്മാണ കേന്ദ്രത്തിലുണ്ടായ സ്ഫോടനത്തില് ആറുപേര്ക്ക് ദാരുണാന്ത്യം. നാല്പതോളം തൊഴിലാളിക്ക് പരിക്കേറ്റതായാണ് വിവരം. തൃശൂര് പൂരത്തിനുള്ള തിരുവമ്പാടി വിഭാഗത്തിന്റെ സാമ്പിള് പുരയിലാണ് അപകടം ഉണ്ടായിരിക്കുന്നത്.
തൊഴിലാളികളില് പലരേയും തിരിച്ചറിയാന് കഴിയാത്ത വിധത്തില് പരിക്കേറ്റതായാണ് വിവരം. ഇവരെ തൃശൂര് മെഡിക്കല് കോളേജ് ആശുപത്രിയിലേക്ക് മാറ്റികൊണ്ടിരിക്കുകയാണ്. ഉച്ച തിരിഞ്ഞാണ് ആദ്യ സ്ഫോടന ശബ്ദം കേട്ടതെന്ന് സമീപ വാസികള് പറയുന്നു. തുടര്ന്ന് തുടര്ച്ചയായി സ്ഫോടനമുണ്ടാകുകയായിരുന്നു. സ്ഫോടനത്തിന്റെ ആഘാതത്തില് സമീപത്തെ വീടുകളുടെ ജനല് ചില്ലുകളും തകര്ന്നിട്ടുണ്ട്.
സ്ഫോടന വസ്തുക്കള് നിര്വീര്യമാക്കാത്തതിനാലും പ്രദേശത്ത് പുക നിറഞ്ഞതിനാലും രക്ഷാപ്രവര്ത്തനത്തിന് നേരിയ തടസ്സം നേരിടുന്നുണ്ട്. തീ ഇനിയും നിയന്ത്രണ വിധേയമായിട്ടില്ല.
സ്ഫോടനത്തില് പരിക്കേറ്റവര്ക്ക് വിദഗ്ദ ചികിത്സ ഉറപ്പാക്കാന് ആരോഗ്യവകുപ്പ് മന്ത്രി വീണാ ജോര്ജ് നിര്ദേശം നല്കിയിട്ടുണ്ട്. സ്വകാര്യ ആശുപത്രികള് സജ്ജമാക്കാന് ആരോഗ്യ വകുപ്പ് ഡയറക്ടര് നിര്ദേശം നല്കിയിട്ടുണ്ട്. തൃശൂര് മെഡിക്കല് കോളേജിലും ജനറല് ആശുപത്രിയിലും മാസ് കാഷ്വാലിറ്റി സജ്ജമാക്കിയിട്ടുണ്ട്.
സംസ്ഥാന പൊലീസ് മേധാവി റവാഡ ചന്ദ്രശേഖറും സ്ഥിതിഗതികള് വിലയിരുത്തി.
രണ്ട് വെടിക്കെട്ടിനും വേണ്ടി കരുതിവെച്ചിരുന്ന കരിമരുന്ന് വെടിക്കെട്ട് പുരയിലുണ്ടായിരുന്നു.
നാല്പതോളം പേര്ക്ക് പരിക്കേറ്റതായും ഇതില് എട്ട് പേരുടെ നില ഗുരുതരമാണെന്നും വിവരമുണ്ട്. ആറ് സ്റ്റേഷനുകളില് നിന്നാണ് ഫയര്യൂണിറ്റുകള് സ്ഥലത്തെത്തിയിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
