HIGHLIGHTS : Supreme Court attacks center on vaccine policy
ന്യൂഡല്ഹി: കേന്ദ്രസര്ക്കാരിന്റെ വാക്സിന് നയത്തെ രൂക്ഷമായി വിമര്ശിച്ച് സുപ്രീം കോടതി. വാക്സിന് വിലയീടാക്കുന്നത് അംഗീകരിക്കാനാവില്ലെന്നും ഇത് തന്നിഷ്ടപ്രകാരമുള്ള നടപടിയാണെന്നും കോടതി പറഞ്ഞു.
![](https://malabarinews.com/wp-content/uploads/2024/06/imukthi-videio.jpg)
![](https://malabarinews.com/wp-content/uploads/2020/07/careertech.jpg)
ഇനിയും മൂകസാക്ഷിയായിരിക്കാനാകില്ലെന്നും കോടതി അറിയിച്ചു. വാക്സിന് വാങ്ങിയതിന്റേയും വിതരണം ചെയ്തതിന്റെയും മുഴുവന് വിശദാംശങ്ങളും ഹാജരാക്കണമെന്നും കോടതി കേന്ദ്രസര്ക്കാരിനോട് ആവശ്യപ്പെട്ടു.
![](https://malabarinews.com/wp-content/uploads/2021/11/sameeksha.jpg)
45 വയസ്സിനു മുകളിലുള്ളവര്ക്ക് സൗജന്യ വാക്സിനും അതില് താഴെയുള്ളവര്ക്ക് പണമടച്ച് വാക്സിനും നല്കാനുള്ള കേന്ദ്രത്തിന്റെ നയം പ്രഥമദൃഷ്ട്യാ, ഏകപക്ഷീയവും വിവേചനപരവുമാണെന്നും സുപ്രീംകോടതി ചൂണ്ടിക്കാട്ടി.
18- 44 വയസ് പ്രായപരിധിയിലുള്ളവര്ക്ക് കൊവിഡ് ബാധിച്ചിട്ടുണ്ടെന്ന് മാത്രമല്ല, ആശുപത്രി പ്രവേശനം, മരണം എന്നിവയുള്പ്പെടെയുള്ള അണുബാധയുടെ ഗുരുതരമായ പ്രത്യാഘാതങ്ങളും അനുഭവിച്ചിട്ടുണ്ടെന്നാണ് റിപ്പോര്ട്ടുകള് സൂചിപ്പിക്കുന്നുവെന്ന് കോടതി ചൂണ്ടിക്കാണിച്ചു. പകര്ച്ചവ്യാധിയുടെ മാറുന്ന സ്വഭാവംമൂലം 18- 44 വയസ് പ്രായപരിധിയിലുള്ളവരേയും വാക്സിനേറ്റ് ചെയ്യേണ്ട സാഹചര്യമാണ്.
ശാസ്ത്രീയാടിസ്ഥാനത്തില് വ്യത്യസ്ത പ്രായവിഭാഗങ്ങള്ക്കിടയില് മുന്ഗണന നിലനിര്ത്താമെന്നും കോടതി പറഞ്ഞു.
18-44 വയസിനിടയിലുള്ള വ്യക്തികള്ക്കും പ്രതിരോധ കുത്തിവയ്പ്പ് നല്കേണ്ടതിന്റെ പ്രാധാന്യം കണക്കിലെടുക്കുമ്പോള്, ആദ്യ രണ്ട് ഘട്ടങ്ങളില് സൗജന്യമായി പ്രതിരോധ കുത്തിവയ്പ്പ് നടത്തുകയും 18- 44 വയസ് പ്രായപരിധിയിലുള്ളവര്ക്ക് പണം നല്കി വാക്സിനേഷന് നടത്തുകയും ചെയ്യുന്നത് ഏകപക്ഷീയവും വിവേചനപരവുമാണ്.
പൗരന്മാരുടെ ഭരണഘടനാപരമായ അവകാശങ്ങള് ഭരണകൂട നയങ്ങള് മൂലം ലംഘിക്കപ്പെടുമ്പോള് കോടതികള്ക്ക് നിശബ്ദമായി കണ്ടുകൊണ്ടിരിക്കാന് സാധിക്കില്ലെന്നും സുപ്രീംകോടതി പറഞ്ഞു. സൗജന്യ വാക്സിന് വിതരണത്തില് സംസ്ഥാനങ്ങളും റിപ്പോര്ട്ട് സമര്പ്പിക്കണമെന്ന് സുപ്രീംകോടതി ആവശ്യപ്പെട്ടു.