HIGHLIGHTS : പരപ്പനങ്ങാടി: അഞ്ചപ്പുര ടൗണിലെ ഏക്കർ കണക്കിന് വിസ്തൃതിയിൽ നിലകൊള്ളുന്ന പുരാതന പ്രകൃതി ജന്യ ജല
ഹംസ കടവത്ത്‌
പരപ്പനങ്ങാടി: അഞ്ചപ്പുര ടൗണിലെ ഏക്കർ കണക്കിന് വിസ്തൃതിയിൽ നിലകൊള്ളുന്ന പുരാതന പ്രകൃതി ജന്യ ജല സംഭരണിയായ ഊർപായി ചിറയിൽ മാലിന്യങ്ങൾ കുന്നുകൂടി കിടക്കുന്നു. അഞ്ചപ്പുര ഗ്രാമ ത്തിലെ കുടിവെള്ള കിണറുകളെ കടുത്ത വേനലിലും കുളിരുറവ ചുരത്തുന്നതിൽ ഈ ചിറ യുടെ സംഭവാന ഏറെ വലുതാണ്. ഇരുളിന്റെ മറവിലും വിദൂരസ്ഥലങ്ങളിൽ നിന്നുൾപ്പടെ വാഹനങ്ങളിൽ കൊണ്ടുവരുന്ന മാലിന്യ കൂനകളാണ് ഈ തെളിനീർ തടാകത്തെ ചളിക്കുളമാക്കുന്നത്
സമീപവാസികൾക്കും നിരത്തിലുടെ നടക്കുന്നവര്‍ക്കും കടുത്ത ദുർഗന്ധവും ആരോഗ്യ ശുചിത്വ ഭീഷണിയും സമ്മാനിക്കുന്ന ഇപ്പോഴത്തെ ചിറയെ സംരക്ഷിക്കാനും നാടിന് പ്രയോജനപെടുത്താനും പൊതു സമൂഹം ഇടപെടണമെന്ന് വാർഡ് കൗൺസിലർ ഹനീഫ കൊടപ്പാളി ആവശ്യപെട്ടു. .
നേരത്തെ ചിറ തൂർത്ത് പൊതു ബസ് സ്റ്റാന്റ് പണിയാൻ പ്രാദേശിക ഭരണകൂടം നീക്കം നടത്തിയിരുന്നെങ്കിലും കടുത്ത ജനരോഷത്തെ തുട്രര്‍ന്ന്‌ ആ ശ്രമം ഉപേക്ഷിക്കപെടുകയായിരുന്നു’ .
എന്നാൽ നഗര മധ്യത്തിൽ നാടിന്റെ ദാഹം മാറ്റാൻ സാധിക്കുമാർ കരുത്തുള്ള ജല സംഭരണിയെ സംരക്ഷിക്കാൻ അധികൃതരുടെ ഭാഗത്ത് നിന്നും യാതൊരു നീക്കവുമുണ്ടായിട്ടില്ല. ജല സംഭരണികൾ നവീകരിക്കാൻ ഈ വർഷത്തെവികസന കരടു രേഖ യിൽ വകയിരുത്തിയ തുക മുഴുവൻ ഊർപായി ചിറ ഏറ്റെടുത്ത് സംരക്ഷിക്കാനും പരപ്പനങ്ങാടി യുടെ തെളിനീർ തടാകമായി നിലനിറുത്താനാവശ്യമായ നടപടികളും നഗരസഭ യുടെ അധികാര നേത്യത്വം കൈ കൊള്ളണമെന്നും ഇതിനായ് – വേണ്ടിവന്നാൽ ജനകീയ ഇടപെടലുകൾക്ക് നേതൃത്വം നൽകുമെന്നും ഹനീഫ പറഞ്ഞു.
