മലപ്പുറം : ജില്ലയില് 10 റോഡുകളുടെ നവീകരണത്തിന് പ്രളയ ദുരിതാശ്വാസ ഫണ്ടില് നിന്ന് 26.5 ലക്ഷം രൂപ അനുവദിച്ചതായി ജില്ലാ കലക്ടര് എം.സി. മോഹന്ദാസ് അറിയിച്ചു.
കാളികാവ് ബ്ലോക്ക് അമരമ്പലം ഗ്രാമപഞ്ചായത്ത് വട്ടപ്പാടം- എസ്.റ്റി കോളനി ചെട്ടിപ്പാടം റോഡിന് മുന്നൂ ലക്ഷവും എടപ്പറ്റ ഗ്രാമപഞ്ചായത്ത് മൂനടി – പങ്കാശ്ശേരിക്കുന്ന് റോഡിന് അഞ്ച് ലക്ഷവും തിരൂര് ബ്ലോക്ക് തിരുനാവായ ഗ്രാമപഞ്ചായത്ത് ചെറുവാല് മദ്രസപ്പടി രണ്ടാല് റോഡിന് 2.5 ലക്ഷവും അരീക്കോട് ബ്ലോക്ക് അരീക്കോട് ഗ്രാമപഞ്ചായത്ത് മുണ്ടമ്പ്രപള്ളി റോഡിന് 2.5 ലക്ഷവും കാവന്നൂര് ഗ്രാമപഞ്ചായത്ത് പാറക്കണ്ണി – ചോളക്കല് റോഡിന് 2.5 ലക്ഷവും നിലമ്പൂര് നഗരസഭ ഒ.സി.കെ ഓഡിറ്റോറിയം ഇട റോഡിന് മൂന്നു ലക്ഷവും തെക്കുംപാടം ശാന്തി റോഡിന് മൂന്നു ലക്ഷവും വണ്ടൂര് ബ്ലോക്ക് മമ്പാട് ഗ്രാമപഞ്ചായത്ത് പണ്ടാലിങ്ങല് – കുഞ്ഞന്പടി നടപ്പാത നിര്മ്മാണത്തിന് ഒരു ലക്ഷവും പെരിന്തല്മണ്ണ ബ്ലോക്ക് ഏലംകുളം ഗ്രാമപഞ്ചായത്ത് ഏലംകുളം റോഡ്-പള്ളിമുക്ക് നടവഴിക്ക് രണ്ട് ലക്ഷവും മട്ടായിപറമ്പ്-താണിയംകടവ് പറയത്തിരുത്ത് നടപ്പാതക്ക് രണ്ട് ലക്ഷവും അനുവദിച്ചതായി ജില്ലാ കലക്ടര് അറിയിച്ചു.
