കല്പ്പറ്റ: വഖഫിലെ വിവാദപ്രസ്താവനയില് നടനും കേന്ദ്രസഹമന്ത്രിയുമായ സുരേഷ് ഗോപിക്കെതിരെ പൊലീസില് പരാതി. കമ്പളക്കാട് നടത്തിയ പ്രസംഗത്തില് വര്ഗീയ പരാമര്ശമുണ്ടെന്നാണ് പരാതി. കോണ്ഗ്രസ് നേതാവ് അനൂപ് വി ആര് ആണ് പരാതി നല്കിയത്. സുരേഷ്ഗോപി മതവികാരം വ്രണപ്പെടുത്തിയെന്നും കലാപാഹ്വാനം നടത്തിയെന്നും ചൂണ്ടിക്കാണിച്ചാണ് പരാതി നല്കിയിരിക്കുന്നത്.
നാല് അക്ഷരങ്ങളില് ഒതുങ്ങുന്ന കിരാതമെന്നും ആ കിരാതത്തെ ഒതുക്കിയിരിക്കുമെന്നുമായിരുന്നു സുരേഷ് ഗോപിയുടെ പരാമര്ശം. അമിത് ഷായുടെ ഓഫീസില് നിന്ന് അയച്ച ഒരു വീഡിയോ ഉണ്ട്. അത് പ്രചരിപ്പിക്കണമെന്നും വയനാട് മണ്ഡലത്തിലെ പ്രചാരണ യോഗത്തില് സുരേഷ് ഗോപി പറഞ്ഞു.
മുനമ്പത്തേത് മണിപ്പൂരിന് സമാനമായ സ്ഥിതിയാണ്. മണിപ്പൂര് പൊക്കി നടന്നവരെ ഇപ്പോള് കാണാനില്ല. മുനമ്പത്തേ നാല് അക്ഷരത്തിലൊതുങ്ങുന്ന കിരാതത്തെ ഒതുക്കും. വഖഫ് ബില് നടപ്പാക്കിയിരിക്കുമെന്നും സുരേഷ് ഗോപി പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
