തിരുവനന്തപുരം: മുന് മുഖ്യമന്ത്രിയും മുതിര്ന്ന സിപിഐഎം നേതാവുമായ വി എസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നു വെന്ന് മെഡിക്കല് ബുള്ളറ്റിന്. പട്ടം എസ് യു ടി ആശുപത്രിയില് നിന്നുള്ള മെഡിക്കല് സംഘത്തിനു പുറമേ തിരുവനന്തപുരം മെഡിക്കല് കോളേജില് നിന്നും ഏഴ് സ്പെഷ്യലിസ്റ്റുകള് അടങ്ങുന്ന ഒരു മെഡിക്കല് സംഘം സര്ക്കാരിന്റെ പ്രത്യേക നിര്ദ്ദേശം അനുസരിച്ച് ആശുപത്രിയില് എത്തി അദ്ദേഹത്തെ പരിശോധിച്ചു.
ഇപ്പോള് നല്കി വരുന്ന വെന്റിലേറ്റര് സപ്പോര്ട്ട്, സിആര്ആര്ടി, ആന്റിബയോട്ടിക് തുടങ്ങിയ ചികിത്സകള് തുടരാനും ആവശ്യമെങ്കില് ഉചിതമായ മാറ്റം വരുത്താനുമാണ് തീരുമാനമെന്ന് മെഡിക്കല് ബുള്ളറ്റിന് വ്യക്തമാക്കുന്നു.
ഈ മാസം 23-നാണ് ഹൃദയാഘാതത്തെ തുടര്ന്ന് വിഎസിനെ ആശുപത്രിയില് പ്രവേശിപ്പിച്ചത്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
