കര്ണാടകയിലെ ബന്ദിപ്പൂര് ടൈഗര് റിസര്വില് വെച്ച് കാട്ടാനക്കൊപ്പം സെല്ഫി എടുക്കാനിറങ്ങി കാട്ടാനയുട ആക്രമണത്തില് നിന്ന് തലനാരിഴക്ക് രക്ഷപ്പെട്ട സഞ്ചാരിക്ക് 25,000 രൂപ പിഴ ചുമത്തി വനംവകുപ്പ്.
ലോറിയില് നിന്ന് വീണ ക്യാരറ്റ് തിന്നുകൊണ്ട് ശാന്തനായി നില്ക്കുകയായിരുന്ന കാട്ടാനയുടെ അടുത്ത് റീല്സ് എടുക്കാനായി ഇയാള് വാഹനത്തില് നിന്ന് ഇറങ്ങി ചെല്ലുകയായിരുന്നു.
ഇതോടെ പ്രകോപിതനായ ആന ഇയാളെ ആക്രമിക്കാന് ശ്രമിച്ചു. തലനാരിഴയ്ക്കാണ് ആ ആക്രമണത്തില് നിന്ന് ഇയാള് രക്ഷപ്പെട്ടത്. ഈ സംഭവത്തിന്റെ ദൃശ്യങ്ങള് സാമൂഹ്യമാധ്യമങ്ങളില് പ്രചരിച്ചതോടെ വനംവകുപ്പ് അധികൃതര് അന്വേഷണം ആരംഭിക്കുകയും ഇയാളെ കണ്ടെത്തുകയും ചെയ്യുകയായിരുന്നു.
വന്യജീവി സങ്കേതങ്ങളിലൂടെ യാത്ര ചെയ്യുമ്പോള് വാഹനത്തില് നിന്ന് പുറത്തിറങ്ങരുതെന്നും, വന്യമൃഗങ്ങളെ പ്രകോപിപ്പിക്കരുതെന്നും വനംവകുപ്പ് മുന്നറിയിപ്പ് നല്കുന്നു. ഈ നിയമങ്ങള് ലംഘിക്കുന്നവര്ക്കെതിരെ ശക്തമായ നിയമനടപടികള് സ്വീകരിക്കുമെന്നും ഇത്തരം സംഭവങ്ങള് ആവര്ത്തിക്കാതിരിക്കാന് എല്ലാവരും ശ്രദ്ധിക്കണമെന്നും വനംവകുപ്പ് അഭ്യര്ത്ഥിച്ചു.
