HIGHLIGHTS : The Supreme Court rejected the plea filed by Greeshma, the main accused in the Parashala Sharon murder case
പാറശാല ഷാരോണ് വധക്കേസിലെ മുഖ്യപ്രതി ഗ്രീഷ്മ നല്കിയ ഹര്ജി സുപ്രീംകോടതി തള്ളി. കേസിലെ അന്തിമ റിപ്പോര്ട്ട് റദ്ദാക്കണമെന്ന് ആവശ്യപ്പെട്ട് ഗ്രീഷ്മ നല്കിയ ഹര്ജിയാണ് സുപ്രീം കോടതി തള്ളിയത്. ജസ്റ്റിസ് വിക്രം നാഥ് അധ്യക്ഷനായ ബെഞ്ചാണ് ഹര്ജി തള്ളിയത്. ക്രൈംബ്രാഞ്ച് ഡിവൈഎസ്പിക്ക് അന്തിമ റിപ്പോര്ട്ട് ഫയല് ചെയ്യാന് നിയമപരമായ അധികാരമില്ലെന്നു ചൂണ്ടിക്കാട്ടിയായിരുന്നു ഹര്ജി.
സ്റ്റേഷന് ഹൗസ് ഓഫിസര്ക്ക് മാത്രമേ അന്തിമ റിപ്പോര്ട്ട് നല്കാന് കഴിയു എന്നായിരുന്നു ഗ്രീഷ്മയുടെ വാദം. എന്നാല് ഈ വാദം നിലനില്ക്കില്ലെന്ന് സുപ്രീം കോടതി വ്യക്തമാക്കി. നേരത്തെ സമാനമായ ഹര്ജി ഹൈക്കോടതിയും തള്ളിയിരുന്നു.ഇതിനെതിരെയാണ് സുപ്രീം കോടതിയില് അപ്പീല് നല്കിയത്.