സംസ്ഥാനത്ത് പൊലീസിന് നിര്ഭയമായും നീതിപുര്വ്വമായും പ്രവര്ത്തിക്കാനും നിയമവിരുദ്ധ പ്രവൃത്തികള് തടയാനുമുള്ള സാഹചര്യം ഉറപ്പാക്കുമെന്ന് മുഖ്യമന്ത്രി. പൊലീസിന്റെ ഭാഗത്തു നിന്ന് തെറ്റായ കാര്യങ്ങള് ഉണ്ടാകില്ല എന്നുറപ്പാക്കാനും തെറ്റു ചെയ്യുന്നവരെ ശിക്ഷിക്കാനും കര്ശന നടപടികള് സ്വീകരിക്കുകയും ചെയ്യും. അതേ സമയം പൊലീസ് സേനയുടെ മനോവീര്യം തകര്ക്കാനുള്ള ബോധപൂര്വ്വ നീക്കത്തോട് ഒരു തരത്തിലും യോജിക്കാനും കഴിയില്ല. സംസ്ഥാനത്ത് നിയമവിരുദ്ധമായ പ്രവര്ത്തനങ്ങള് കണ്ടെത്തി തടയാനുള്ള സേനയാണ് പൊലീസ്. ആ പൊലീസ് അതിന്റെ ജോലി ചെയ്യുന്നതിന്റെ ഭാഗമായാണ് സ്വര്ണ്ണക്കടത്ത് അടക്കം പിടികൂടുന്നതും കടത്തുകാരെ നിയമത്തിനു മുന്നില് എത്തിക്കുന്നതും. സ്വര്ണ്ണം, മയക്കുമരുന്ന്, കള്ളപ്പണം എന്നിവ കടത്തുന്നത് നാടിനെതിരായ കുറ്റകൃത്യം തന്നെയാണ്. അത് ഒരു വിധത്തിലും അനുവദിക്കില്ല. പരിശോധനകള് കര്ശനമാക്കാനും കള്ളക്കടത്തുകാരെ കര്ക്കശമായി കൈകാര്യം ചെയ്യാനും പൊലീസിന് നിര്ദ്ദേശം നല്കിയിട്ടുണ്ട്. അക്കാര്യത്തില് ഒരു വിട്ടുവീഴ്ചയും ഉണ്ടാകില്ല.
ഇതുമായി ബന്ധപ്പെട്ടു ലഭിച്ച പരാതിയില് അന്വേഷണം നടക്കുകയാണെും അദ്ദേഹം വ്യക്തമാക്കി. ദിവസങ്ങളോളം പരസ്യമായി ചാനലുകളില് ഉയര്ത്തിയ പ്രശ്നങ്ങളെക്കുറിച്ച് അന്വേഷിക്കുന്നതിന് സംസ്ഥാന പോലീസ് മേധാവിയുടെ നേതൃത്വത്തില് പ്രത്യേകസംഘത്തെ നിയോഗിച്ചു. തെറ്റ് സംഭവിച്ചാല് ഉചിതമായ നടപടി സര്ക്കാര് സ്വീകരിക്കുമെന്ന് നേരത്തെ തന്നെ വ്യക്തമാക്കിയതാണ്. ഒരു മുന്വിധിയോടെയും ഈ കാര്യത്തെ സമീപിക്കുന്നില്ല. ഉയര്ന്നു വന്ന ഓരോ കാര്യങ്ങളെക്കുറിച്ചും കുറ്റമറ്റ അന്വേഷണം നടത്തും. എന്തെങ്കിലും അപാകം കണ്ടെത്തിയാല് അതിനുത്തരവാദി ആയവര്ക്കെതിരെ പരമാവധി ശിക്ഷയുമുണ്ടാകും. കുറ്റവാളികളെ മഹത്വവല്ക്കരിക്കരുതെന്നും അദ്ദേഹം പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
