ഫിലിം പ്രൊഡ്യൂസേഴ്സ് അസോസിയേഷന് പ്രസിഡന്റ് സ്ഥാനത്തേക്ക് മത്സരിക്കാന് സാന്ദ്രാ തോമസ്. പ്രൊഡ്യൂസേഴ്സ് അസോസിയേഷന് ആസ്ഥാനത്തേക്ക് എത്തി സാന്ദ്ര തോമസ് നാമനിര്ദേശ പത്രിക സമര്പ്പിച്ചു. പര്ദ്ദ ധരിച്ചാണ് സാന്ദ്ര തോമസ് അസോസിയേഷന് ആസ്ഥാനത്തേക്ക് എത്തിയത്.
സാന്ദ്ര തോമസ് മുന് ഭാരവാഹികള്ക്കെതിരെ പരാതി നല്കിയതിനെ തുടര്ന്ന് സംഘടനയില് നിന്ന് പുറത്താക്കിയിരുന്നു. എന്നാല് സാന്ദ്ര തോമസിന്റെ ഹര്ജി പരിഗണിച്ച് എറണാകുളം സബ് കോടതി സംഘടനയില് നിന്ന് പുറത്താക്കിയ നടപടി സ്റ്റേ ചെയ്തിരുന്നു. സാന്ദ്രാ തോമസ് മുന് ഭാരവാഹികള്ക്കെതിരെ നല്കിയ ലൈംഗിക അധിക്ഷേപ പരാതിയില് പോലീസ് കേസും എടുത്തിരുന്നു.
അതെസമയം മലയാള സിനിമാ നിര്മാതാക്കളുടെ സംഘടനയിലെ ഭിന്നതകള്ക്കിടെ പ്രസിഡന്റ് സ്ഥാനത്തേക്ക് മത്സരിക്കാന് സാന്ദ്ര തോമസ് എത്തിയത് ഇതിനോടകം ചര്ച്ചയായി കഴിഞ്ഞിട്ടുണ്ട്.
