പ്രശസ്ത സിനിമാഗാന രചയിതാവ് മങ്കൊമ്പ് ഗോപാലകൃഷ്ണന് അന്തരിച്ചു.78 വയസ്സായിരുന്നു. ഹൃദയാഘാതത്തെ തുടര്ന്ന് വൈകീട്ട് അഞ്ചുമണിയോടെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.
ആദ്യ ചലച്ചിത്രം വിമോചനസമരം. 1975ല് ‘ലക്ഷാര്ച്ചന കണ്ടു മടങ്ങുമ്പോള്… എന്ന ഗാനം ഉള്പ്പെടെ നിരവധി ശ്രദ്ധേയമായ ഗാനങ്ങള് രചിച്ചിട്ടുണ്ട്.
ഹരിഹരന് എന്ന സംവിധായകനു വേണ്ടിയായിരുന്നു മങ്കൊമ്പ് ഗോപാലകൃഷ്ണന് എറ്റവും കൂടുതല് ഗാനങ്ങള് രചിച്ചത്. അദ്ദേഹത്തിന്റെ വരികള്ക്ക് ഏറ്റവും കൂടുതല് തവണ ഈണം പകര്ന്നത് എം.എസ്. വിശ്വനാഥന് ആയിരുന്നു. കൂടാതെ പത്തോളം ചിത്രങ്ങള്ക്ക് കഥയും തിരക്കഥയും രചിച്ചിട്ടുണ്ട്. അതുപോലെ ഇന്ത്യയില് ഏറ്റവും കൂടുതല് ചിത്രങ്ങള് മലയാളത്തിലേയ്ക്ക് മൊഴിമാറ്റിയത് മങ്കൊമ്പ് ഗോപാലകൃഷ്ണന് ആണ്. ബാഹുബലി ഉള്പ്പെടെ 200 ചിത്രങ്ങളില് അദ്ദേഹം സഹകരിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
