തിരുവനന്തപുരം:സംസ്ഥാനത്ത് കാലവര്ഷക്കെടുതി രൂക്ഷമായ സാഹചര്യത്തില് 2024 ജൂലൈ മാസത്തെ റേഷന് വിതരണം ഓഗസ്റ്റ് 2വരെ നീട്ടിയതായി ഭക്ഷ്യ പൊതുവിതരണ വകുപ്പ് മന്ത്രി ജി.ആര്.അനില് അറിയിച്ചു.
സംസ്ഥാനത്തെ മിക്ക ജില്ലകളിലും ഒരാഴ്ചക്കാലമായി കാലവര്ഷം രൂക്ഷമായ സാഹചര്യത്തില് റേഷന്കാര്ഡ് ഉടമകള്ക്ക് റേഷന് വാങ്ങുന്നതിന് തടസ്സം നേരിടുന്നതായി സര്ക്കാര് മനസ്സിലാക്കിയ സാഹചര്യത്തിലാണ് രണ്ടുദിവസം കൂടി ജൂലൈ മാസത്തെ റേഷന് വിതരണം നീട്ടുന്നത്. സ്റ്റോക്ക് തിട്ടപ്പെടുത്തുന്നതിനായി റേഷന് വ്യാപാരികള്ക്ക് അനുവദിച്ചിട്ടുള്ള അവധി ആഗസ്റ്റ് 3 ന് ആയിരിക്കും. ആഗസ്റ്റ് 5മുതല് ആഗസ്റ്റ് മാസത്തെ റേഷന് വിതരണം ആരംഭിക്കുമെന്നും മന്ത്രി അറിയിച്ചു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
