തൃശൂര്: ബിജെപി നടത്തുന്ന ‘സ്ത്രീശക്തി മോദിക്കൊപ്പം’ മഹിളാ സമ്മേളനത്തില് പങ്കെടുക്കാന് പ്രധാനമന്ത്രി നരേന്ദ്ര മോദി കേരളത്തിലെത്തി. തൃശൂര് സ്വരാജ് റൗണ്ടില് നിന്നും നായ്ക്കനാല് വരെ ഒന്നര കിലോമീറ്റര് തുറന്ന ജീപ്പില് റോഡ്ഷോയ്ക്ക് ശേഷം നായിക്കനാലിലെ സമ്മേളന വേദിയില് പ്രധാനമന്ത്രി എത്തി. കെ സുരേന്ദ്രനും സുരേഷ്ഗോപിയും റോഡ് ഷോയില് പ്രധാനമന്ത്രിക്കെപ്പം പങ്കെടുത്തു. റോഡിന് ഇരുവശങ്ങളിലും നിരവധിപ്പേരാണ് മോദിക്ക് അഭിവാദ്യമര്പ്പിച്ചുകൊണ്ട് നിന്നിരുന്നത്.നഗരത്തില് കനത്ത സുരക്ഷയാണ് ഒരുക്കിയിരിക്കുന്നത്.
രണ്ടുലക്ഷം സ്ത്രീകള് പങ്കെടുക്കുമെന്ന് ബിജെപി പ്രതീക്ഷിക്കുന്ന മഹിളാസമ്മേളനത്തെ അഭിസംബോധന ചെയ്യുന്നതിനായാണ് പ്രധാനമന്ത്രി നരേന്ദ്രമോദി തൃശൂരിലെത്തിയിട്ടുള്ളത്. മഹിളകള്ക്ക് മാത്രമേ സമ്മേളനത്തില് പ്രവേശനമുള്ളൂ. നടി ശോഭന, ബീനാ കണ്ണന്, വൈക്കം വിജയലക്ഷ്മി, ഉമാ പ്രേമന്, മറിയക്കുട്ടി, ക്രിക്കറ്റ് താരം മിന്നു മണി എന്നിവര് പ്രധാനമന്ത്രിക്കൊപ്പം വേദി പങ്കിടുന്നുണ്ട്.
പ്രത്യേക വിമാനത്തില് നെടുമ്പാശ്ശേരിയിലെത്തിയ പ്രധാനമന്ത്രി അവിടെനിന്ന് ഹെലികോപ്റ്ററിലാണ് തൃശൂരിലേക്ക് വന്നത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
