HIGHLIGHTS : Passenger plane crashes in Kazakhstan; several dead
അസ്താന: യാത്രാവിമാനം തകര്ന്നുവീണുണ്ടായ അപകടത്തില് നിരവധി പേര് മരിച്ചു. കസാക്കിസ്ഥാനിലെ അക്തൗ പ്രദേശത്താണ് അപകടം. റഷ്യയിലേക്ക് തിരിച്ച വിമാനമാണ് പൊട്ടിത്തെറിച്ച് തകര്ന്നുവീണത്.
വിമാനത്തില് നൂറിലേറെ യാത്രക്കാര് ഉണ്ടായിരുന്നുവെന്നാണ് റിപ്പോര്ട്ട്. അപകടത്ത് രക്ഷാപ്രവര്ത്തനം പുരോഗമിക്കുകയാണ്.നിരവധി തവണ ആകാശത്ത് വലംവെച്ച വിമാനം അടിയന്തര ലാന്റിംഗിന് നിര്ദേശം നല്കിയെങ്കിലും തകരുകയായിരുന്നു.
എയര്പോര്ട്ടിന് സമീപത്തുവെച്ചാണ് അപകടം ഉണ്ടായത്.
പന്ത്രണ്ട് യാത്രക്കാര് പരിക്കുകളോടെ രക്ഷപ്പെട്ടുവെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നു. യാത്രക്കാരെ സംബന്ധിച്ചുള്ള കൂടുതല് വിവരങ്ങള് പുറത്തുവന്നിട്ടില്ല. ബാകുവില് നിന്ന് റഷ്യയിലെ ഗ്രോസ്നിയിലേക്ക് പുറപ്പെട്ട വിമാനം ഗ്രോസ്നിയിലെ കനത്ത മൂടല് മഞ്ഞിനെ തുടര്ന്ന് വഴിതിരിച്ചുവിടുകയായിരുന്നു.
