‘ഇനി ഞങ്ങൾ മൂന്ന് പേരാണ്’ എന്ന കുറിപ്പോടെ രശ്മിക ഇൻസ്റ്റഗ്രാമിൽ പങ്കുവെച്ച ഒരു ആനിമേഷൻ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ‘ഇനി ഞങ്ങൾ മൂന്ന് പേർ’ എന്നാണ് രശ്മിക ഇൻസ്റ്റഗ്രാമിൽ കുറിച്ചത്. പിന്നാലെ രശ്മിക അമ്മയാകാൻ പോകുന്നുവെന്നാണ് ആരാധകർ കരുതിയത്. ഒപ്പം വിജയ്ക്കും രശ്മികയ്ക്കും ആശംസകൾ അറിയിക്കുകയും ചെയ്തു. എന്നാൽ രശ്മിക- വിജയ് ദേവരക്കൊണ്ട ദമ്പതികൾ മാതാപിതാക്കൾ ആകാൻ പോകുന്ന വിവരമല്ല പങ്കുവച്ചിരിക്കുന്നതെന്നതാണ് യാഥാർത്ഥ്യം.
ഒരു അനിമേറ്റഡ് സീരിസിന്റെ ഭാഗമായാണ് രശ്മിക പോസ്റ്റ് പങ്കുവച്ചിരിക്കുന്നത്. ടെറിബ്ലി ടൈനി ടെയിൽസിന്റെ സീരിസിന് ‘രശ്മിക ആൻഡ് റൂ’ എന്നാണ് പേര്.രശ്മികയിൽ നിന്നും പ്രചോദനം ഉൾക്കൊണ്ട് നിർമിച്ചതാണ് സീരിസിലെ റൂ എന്ന കഥാപാത്രം. റൂവിനും രശ്മികയ്ക്കും ഒപ്പം വിജയ് ദേവരക്കൊണ്ട കൂടി ആയപ്പോൾ ‘തങ്ങൾ ഇനി മൂന്നു പേർ’ എന്ന് താരം കുറിക്കുകയായിരുന്നു.
അടുത്തിടെ തെന്നിന്ത്യൻ സിനിമാ ലോകം ഒന്നടങ്കം ആഘോഷിച്ച വിവാഹമായിരുന്നു വിജയ് ദേവരക്കൊണ്ടയുടെയും രശ്മികയുടെയും. ഏറെ നാളത്തെ പ്രണയത്തിന് ശേഷമായിരുന്നു ഇരുവരും വിവാഹിതരായത്. നിലവിൽ ഹണിമൂൺ ആഘോഷങ്ങളിലാണ് താരദമ്പതിമാർ.2026 ഫെബ്രുവരി 26ന് ആയിരുന്നു രശ്മിക മന്ദാന- വിജയ് ദേവരക്കൊണ്ട താര ജോഡികളുടെ വിവാഹം.രാജസ്ഥാനിൽ വച്ച് നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമായിരുന്നു പങ്കെടുത്തത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ ലിങ്കില് ക്ലിക്ക് ചെയ്യു
