മലപ്പുറം ജില്ലയിലെ പ്രവാസി സംരംഭകര്ക്കായി നോര്ക്ക ബിസിനസ് ഫെസിലിറ്റേഷന് സെന്ററിന്റെ (എന്.ബി.എഫ്.സി) നേതൃത്വത്തില് സംഘടിപ്പിക്കുന്ന അഞ്ച് ദിവസത്തെ ലോഞ്ച് പാഡ് വര്ക്ക്ഷോപ്പിലേക്ക് അപേക്ഷ ക്ഷണിച്ചു. സംസ്ഥാന സര്ക്കാര് സ്ഥാപനമായ കേരള ഇന്സ്റ്റിറ്റ്യൂട്ട് ഫോര് എന്റര്പ്രണര്ഷിപ്പ് ഡെവലപ്പ്മെന്റെയും (KIED), മലപ്പുറം ജില്ലാ വ്യവസായ കേന്ദ്രത്തിന്റെയും സംയുക്താഭിമുഖ്യത്തിലാണ് പരിശീലനം. 2025 ഫെബ്രുവരി 17 മുതല് 21 വരെ മലപ്പുറം ജില്ല വ്യവസായ കേന്ദ്രത്തില് വച്ച് സംഘടിപ്പിക്കുന്ന പ്രോഗ്രാമില് ആദ്യം രജിസ്റ്റര് ചെയ്യുന്ന 40 പേര്ക്കാണ് പ്രവേശനം.
സംരംഭകത്വ പരിശീലനം ലഭിക്കാന് ആഗ്രഹിക്കുന്ന മലപ്പുറം ജില്ലയിലെ പ്രവാസികള് 2025 ഫെബ്രുവരി 05 ന് മുന്പായി NBFC യില് ഇമെയില്/ ഫോണ് മുഖാന്തിരം പേര് രജിസ്റ്റര് ചെയ്യേണ്ടതാണ്. കൂടുതല് വിവരങ്ങള്ക്കും രജിസ്ട്രേഷനും 0471-2770534/+91-8592958677 നമ്പറുകളിലോ nbfc.coordinator@gmail.com എന്ന ഇ-മെയില് വിലാസത്തിലോ (പ്രവൃത്തി ദിനങ്ങളില് ഓഫീസ് സമയത്ത്) ബന്ധപ്പെടണം.
പുതിയ സംരംഭങ്ങള് ആരംഭിക്കാന് നടപടികള് സ്വീകരിച്ചവര്ക്കും ഇതിനോടകം സംരംഭങ്ങള് ആരംഭിച്ചവര്ക്കുമാണ് പങ്കെടുക്കാനാകുക. സംരംഭകര് നിര്ബന്ധമായും അറിഞ്ഞിരിക്കേണ്ട നിയമ വശങ്ങള്, ഐഡിയ ജനറേഷന്, പ്രൊജക്റ്റ് റിപ്പോര്ട് തയ്യാറാക്കുന്ന വിധം, സെയില്സ് & മാര്ക്കറ്റിങ്, ബാങ്കില് നിന്ന് ലഭിക്കുന്ന സാമ്പത്തിക സഹായങ്ങള്, ജി എസ് ടി, സംരംഭം തുടങ്ങാനാവശ്യമായ ലൈസന്സുകള്, വിജയിച്ച സംരംഭകരുടെ അനുഭവം പങ്കിടല്, തുടങ്ങിയ നിരവധി സെഷനുകള് ഉള്പെടുത്തിയുളളതാണ് പരിപാടി.
പ്രവാസി സംരംഭങ്ങള് പ്രോല്സാഹിപ്പിക്കുക എന്ന ലക്ഷ്യത്തോടെ തിരുവനന്തപുരം നോര്ക്ക സെന്ററില് പ്രവര്ത്തിക്കുന്ന ഏകജാലകസംവിധാനമാണ് എന്.ബി.എഫ്.സി. കൂടുതല് വിവരങ്ങള്ക്ക് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802012345 (വിദേശത്തുനിന്നും, മിസ്സ്ഡ് കോള് സര്വ്വീസ്) ബന്ധപ്പെടാം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
