HIGHLIGHTS : Navjeevan Yuvakavita Award to Justin P James
നാലാമത് നവജീവന്‍ യുവകവിത പുരസ്‌ക്കാരത്തിന് കോട്ടയം വൈക്കം സ്വദേശിയായ
ജസ്റ്റിന്‍ പി ജയിംസ് അര്‍ഹനായി. Amor Fati അഥവാ ആകസ്മികതയുടെ പുസ്തകത്തിലെ അനുബന്ധ വാക്യങ്ങള്‍ (എഴുതപ്പെട്ടേക്കാവുന്നവ)
എന്ന കവിതയിലൂടെയാണ് ജസ്റ്റിന്‍ പി ജയിംസ് പുരസ്‌ക്കാരത്തിന് അര്‍ഹനായത്. കോഴിക്കോട് ഗവ:ആര്‍ട്‌സ് & സയന്‍സ് കോളേജില്‍ മലയാളം വിഭാഗം ഗവേഷകനാണ് ജസ്റ്റിന്‍ പി ജയിംസ്. കേരള കലാമണ്ഡലം വള്ളത്തോള്‍ കവിതാ പുരസ്‌ക്കാരത്തിന് അര്‍ഹനായിട്ടുണ്ട്. ഡിഫറാന്‍സ്, മണ്ണൊരുക്കം, പ്രതിഭാഷ ബ്ലോഗ് കവിതകള്‍ (എഡി:) എന്നിവ കവിത സമാഹാരങ്ങളാണ്.
എം.എം സചീന്ദ്രന്‍, ശ്രീജിത്ത് അരിയല്ലൂര്‍, വിനോദ് തള്ളശ്ശേരി എന്നിവരടങ്ങുന്ന ജൂറിയാണ് വിജയിയെ തിരഞ്ഞെടുത്തത്. പുരസ്‌ക്കാരദാന ചടങ്ങ് മറ്റൊരു ദിവസം നടക്കുമെന്ന് നവജീവന്‍ വായനശാല ഭാരവാഹികള്‍ അറിയിച്ചു.
