തിരൂര്: ഹൈസ്കൂള് വിദ്യാര്ത്ഥികളെ ലഹരിമരുന്ന് നല്കി പ്രകൃതി വിരുദ്ധ പീഡനത്തിനിരയാക്കിയ തലക്കടത്തൂര് സ്വദേശി കുന്നത്ത് പറമ്പില് മുസ്തഫ(59)യെ തിരൂര് പോലീസ് പിടികൂടി. ലഹരിയുല്പന്നങ്ങളായ ഹാന്സ്, കഞ്ചാവ്ബീഡി എന്നിവ കുട്ടികള്ക്ക് നല്കി സൗഹൃദമുണ്ടാക്കുകയാണ് പ്രതിയുടെ രീതി. പിന്നീട് ഇവ തേടി സമീപിക്കുമ്പോഴാണ് പീഡനത്തിനിരയാക്കിയിട്ടുള്ളത്.
വീട്ടുകാര് കുട്ടികളില് നിന്ന് ഹാന്സും ബീഡിയും കണ്ടെടുത്തതോടെയാണ് വിവരങ്ങളറിഞ്ഞ് പരാതിയുമായി പോലീസിനെ സമീപിക്കുന്നത്.
തിരൂര് സി.ഐ ജിജോയുടെ നേതൃത്വത്തില് എസ്.ഐ അബ്ദുള് ജലീല് കറുത്തേടത്ത്, സീനിയര് സിവില് പോലീസ് ഓഫീസര് ഷിജിത്ത്, സിവില് പോലീസ് ഓഫീസര് ഉണ്ണിക്കുട്ടന് എന്നിവരടങ്ങിയ സംഘമാണ് പ്രതിയെ പിടികൂടിയത്. തിരൂര് മജിസ്ട്രേറ്റ് മുന്പാകെ ഹാജരാക്കിയ പ്രതിയെ റിമാന്റ് ചെയ്തു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
