ഭരണഘടനയ്ക്കും ജനാധിപത്യത്തിനുമെതിരെ ഉയരുന്ന വെല്ലുവിളികളെ പ്രതിരോധിക്കേണ്ടത് ഓരോരുത്തരുടെയും കര്ത്തവ്യമാണ് എന്ന ബോധം നമ്മെ നയിക്കണമെന്നും നാടിന്റെ നന്മയ്ക്കും ശോഭനമായ ഭാവിക്കുമായി ഒറ്റക്കെട്ടായി നില്ക്കാമെന്നും റിപ്പബ്ലിക് ദിന സന്ദേശത്തില് മുഖ്യമന്ത്രി പിണറായി വിജയന് പറഞ്ഞു.
ഇന്ത്യയെന്ന ജനാധിപത്യ രാഷ്ട്രത്തിന്റെ ആത്മാവ് തുടിക്കുന്ന ഭരണഘടന നിലവില് വന്നിട്ട് 75 വര്ഷം തികയുകയാണ്. ഇന്ത്യയെന്ന ആശയം മൂര്ത്തമാകുന്നത് ഭരണഘടനയുടെ പൂര്ത്തീകരണത്തോടെയാണ്.
നിരവധി സംസ്കാരങ്ങളും ഉപദേശീയതകളും കോര്ത്തിണക്കി ഒരു ബഹുസ്വര ജനാധിപത്യ രാഷ്ട്രത്തിന് രൂപം നല്കാന് ഭരണഘടനാ നിര്മ്മാതാക്കള്ക്ക് സാധിച്ചു. ഭരണഘടനയില് അന്തര്ലീനമായ മഹത്തായ മൂല്യങ്ങളും സാമ്രാജ്യ അടിമത്വത്തിനെതിരായ ഉജ്ജ്വല പോരാട്ടത്തിന്റെ പാരമ്പര്യവും സംരക്ഷിക്കാന് ഓരോ ഇന്ത്യക്കാരനുമുള്ള ഉത്തരവാദിത്തമാണ് റിപ്പബ്ലിക് ദിനം ഓര്മ്മപ്പെടുത്തുന്നത്.
സമത്വവും നീതിയും മതനിരപേക്ഷതയും സാഹോദര്യവും പുലരുന്ന സമൂഹമായി ഉത്തരോത്തരം വളരാന് നമുക്ക് കഴിയണമെന്നും ഏവര്ക്കും റിപ്പബ്ലിക് ദിനാശംസകള് നേരുന്നുവെന്നും മുഖ്യമന്ത്രി സന്ദേശത്തില് പറഞ്ഞു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
