ചെന്നൈ: മുല്ലപ്പെരിയാറില് ബേബി ഡാമിന് താഴെയുള്ള മരങ്ങള് വെട്ടിനീക്കാന് കേരളം തമിഴ്നാടിന് അനുമതി നല്കി. തമിഴ്നാടിന്റെ ഈ ആവശ്യം അംഗീകരിച്ച കേരള മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്നാട് മുഖ്യമന്ത്രി എ.കെ. സ്റ്റാലിന് കത്തയച്ചു.
ബേബി ഡാമിന് താഴെയുള്ള 15 മരങ്ങളും വെട്ടാനാണ് കേരളം തമിഴ്നാടിന് അനുമതി നല്കിയത്. കേരളവും തമിഴ്നാടും തമ്മിലുള്ള ബന്ധം ശ്കതമാകാന് തീരുമാനം സഹായിക്കുമെന്ന് സ്റ്റാലിന് കത്തില് പറയുന്നു. ബേബി ഡാമും എര്ത്ത് ഡാമും ബലപ്പെടുത്താനുള്ള തടസ്സം ഇതോടെ നീങ്ങിയെന്നും സ്റ്റാലിന് പറഞ്ഞു.
ബേബി ഡാം ബലപ്പെടുത്തി ജലനിരപ്പ് 152 അടിയാക്കുമെന്ന് തമിഴ്നാട് മന്ത്രിമാര് പറഞ്ഞിരുന്നു. എന്നാല് ജലനിരപ്പ് 152 അടിയാക്കുന്നതിനെക്കുറിച്ച് സ്റ്റാലിന്റെ കത്തില് പരാമര്ശമില്ല. വണ്ടിപ്പെരിയാറില് നിന്ന് ഡാമിലേക്കുള്ള റോഡ് നന്നാക്കാനും അനുമതി വേണമെന്നും കത്തില് സ്റ്റാലിന് അഭ്യര്ത്ഥിച്ചു.
