പത്തംതിട്ട: പത്തനംതിട്ട കോയിപ്രത്ത് യുവാക്കളെ സൈക്കോ മോഡലില് ക്രൂരമര്ദനത്തിനിരയാക്കിയ കേസില് യുവാക്കള് ക്രൂരമര്ദനത്തിനിരയായത് അവിഹിതം സംശയിച്ചെന്ന് പൊലീസ്. ഭാര്യയുമായി അവിഹിത ബന്ധമുണ്ടെന്ന സംശയത്തില് ഹണിട്രാപ്പ് മോഡലില് ഭാര്യയെ കൊണ്ട് യുവാക്കളെ വിളിച്ചുവരുത്തി സ്റ്റേപ്ലര് പിന്നുകള് ജനനേന്ദ്രിയത്തില് അടിച്ചും പ്ലേയറു കൊണ്ട് നഖം പിഴുതെടുത്തും അതിക്രൂരമായി പീഡിപ്പിക്കുകയായിരുന്നു. ഭാര്യ രശ്മിയെ കൊണ്ടാണ് യുവാക്കളുടെ ശരീരത്തില് ഈ കൊടിയ മര്ദ്ദനം ഭര്ത്താവ് ജയേഷ് നടത്തിയത്.
അന്വേഷണത്തോട് സഹകരിക്കാതെ പ്രതികള്. സംഭവത്തില് അറസ്റ്റിലായ ദമ്പതികളായ കോയിപ്രം ആന്താലിമണ് സ്വദേശി ജയേഷ്, രശ്മി എന്നിവര് പൊലീസുമായി സഹകരിക്കുന്നില്ല. കുറ്റകൃത്യത്തിനുള്ള യഥാര്ത്ഥ കാരണവും പൊലീസിന് കണ്ടെത്താനായില്ല. പ്രതികളെ കൂടുതല് ചോദ്യം ചെയ്യുന്നതിനായി കസ്റ്റഡിയില് കിട്ടാന് പൊലീസ് ഉടന് അപേക്ഷ നല്കും. മര്ദനമേറ്റവരില് ആലപ്പുഴ സ്വദേശിയുടെ മൊഴി വീണ്ടും രേഖപ്പെടുത്തും. കേസില് ശാസ്ത്രീയമായ അന്വേഷണവും പൊലീസ് നടത്തും.
ജയേഷിനൊപ്പം മുന്പ് ബംഗളൂരുവില് ജോലി ചെയ്തവരാണ് ആലപ്പുഴ സ്വദേശിയായ യുവാവും അയാളുടെ ബന്ധുവായ റാന്നി സ്വദേശിയും. ഇവര് രശ്മിയുമായി ഫോണില് ചാറ്റ് ചെയ്യുന്നത് ജയേഷ് കണ്ടെത്തി. യുവാക്കളില് ഒരാളുടെ ഫോണില് നിന്ന് ചില ചിത്രങ്ങളും ദൃശ്യങ്ങളും കണ്ടെടുത്തായും പൊലീസ് പറയുന്നു. ജയേഷ് ചോദ്യം ചെയ്തതോടെ രശ്മി ഇക്കാര്യങ്ങളെല്ലാം ഏറ്റുപറഞ്ഞു. തുടര്ന്ന് രണ്ട് യുവാക്കളോടും പ്രതികാരം ചെയ്യാന് ജയേഷ് തീരുമാനിച്ചു. ഭാര്യ രശ്മിയെ കൊണ്ട് തന്നെ ഇരുവരെയും കോയിപ്രത്തെ വീട്ടിലേക്ക് വിളിച്ചുവരുത്താന് തീരുമാനിച്ചു. തുടര്ന്ന് സെപ്റ്റംബര് ഒന്നാം തീയതി ആലപ്പുഴ സ്വദേശിയെ വിളിച്ചുവരുത്തി. അതിക്രൂരമായി മര്ദ്ദിച്ച് വഴിയില് തള്ളി. ഇതിനുപിന്നാലെ തിരുവോണ ദിവസം റാന്നി സ്വദേശിയായ യുവാവിനെയും വീട്ടിലേക്ക് വിളിച്ചുവരുത്തി അതിക്രൂരമായ രീതിയില് മര്ദിച്ചു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
