ഹരിതകര്മ കോ-ഓഡിനേറ്റര്
കുടുംബശ്രീ ജില്ലാമിഷനിലും റൂറല് സി.ഡി.എസിലുമായി ഹരിതകര്മസേന പദ്ധതി നിര്വഹണത്തിനായി ഹരിതകര്മ കോ-ഓഡിനേറ്റര്മാരെ താല്ക്കാലികമായി നിയമിക്കുന്നു. ബിരുദാനന്തരബിരുദവും കമ്പ്യൂട്ടര് പരിജ്ഞാനവും രണ്ട് വര്ഷത്തെ ഫീല്ഡ് ലവല് പ്രവൃത്തിപരിചയവുമാണ് ഹരിതകര്മ ജില്ലാകോ-ഓഡിനേറ്ററുടെ യോഗ്യത. പ്രായപരിധി 25നും 40നും ഇടയ്ക്കായിരിക്കണം. ഹരിതകര്മ സി.ഡി.എസ് കോ-ഓഡിനേറ്റര് തസ്തികയിലേക്ക് അപേക്ഷിക്കുന്നവര് ബിരുദമോ ഡിപ്ലോമയോ ഉള്ളവരും കമ്പ്യൂട്ടര് പരിജ്ഞാനമുള്ളവരുമായ സ്ത്രീകളായിരിക്കണം. അപേക്ഷാഫോറം കുടുംബശ്രീ സി.ഡി.എസ് ഓഫീസുകളില് നിന്ന് നേരിട്ടോ www.kudumbasree.org എന്ന വെബ്സൈറ്റില് നിന്നോ ലഭിക്കും. കുടുംബശ്രീ ജില്ലാമിഷന് കോ-ഓഡിനേറ്ററുടെ പേരില് മാറാവുന്ന 200 രൂപയുടെ ഡിമാന്ഡ് ഡ്രാഫ്റ്റും അപേക്ഷയോടൊപ്പം നല്കണം. അപേക്ഷ സ്വീകരിക്കുന്ന അവസാന തീയതി 2024 സെപ്തംബര് 13. കൂടുതല് വിവരങ്ങള്ക്ക്: 0483 2733470
അതിഥി അധ്യാപകനിയമനം
മലപ്പുറം സര്ക്കാര് വനിതാ ആര്ട്സ് ആന്ഡ് സയന്സ് കോളേജില് ഹിസ്റ്ററി വിഭാഗത്തില് അതിഥി അധ്യാപകരുടെ ഒഴിവുണ്ട്. 55% മാര്ക്കോടെ ബിരുദാനന്തര ബിരുദവും നെറ്റുമാണ് യോഗ്യത. ഉദ്യോഗാര്ത്ഥികള് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസില് പേര് രജിസ്റ്റര് ചെയ്തിരിക്കണം. താല്പര്യമുള്ള ഉദ്യോഗാര്ത്ഥികള് സെപ്തംബര്അഞ്ചിന് രാവിലെ 10.30ന് അസ്സല് സര്ട്ടിഫിക്കറ്റുകളുമായി കോളേജില് ഹാജരാകണമെന്ന് പ്രിന്സിപ്പല് അറിയിച്ചു. ഫോണ് – 0483-2972200.
സൗദിയിൽ വിവിധ സ്പെഷ്യാലിറ്റി ഡോക്ടർമാരുടെ ഒഴിവുകൾ: അപേക്ഷ സെപ്റ്റംബർ 05 വരെ
സൗദിഅറേബ്യയിലെ ആരോഗ്യമന്ത്രാലയത്തിലേയ്ക്ക് ഹഫർ അൽ-ബാറ്റിൻ ഹെൽത്ത് ക്ലസ്റ്ററിൽ വിവിധ സ്പെഷ്യാലിറ്റികളിൽ ഡോക്ടർമാരുടെ ഒഴിവുകളിലേയ്ക്കുളള നോർക്ക റൂട്ട്സ് റിക്രൂട്ട്മെന്റിലേക്ക് സെപ്റ്റംബർ 5 വരെ അപേക്ഷ നൽകാം. എമർജൻസി, ജനറൽ മെഡിസിൻ, ജനറൽ സർജറി എന്നീ സ്പെഷ്യലിസ്റ്റ് തസ്തികകളിലേയ്ക്കും ബ്രെസ്റ്റ് സർജറി, ക്രിട്ടിക്കൽ കെയർ, ന്യൂറോളജി, വിട്രിയോറെറ്റിനൽ ഒഫ്താൽമോളജിസ്റ്റ്, ഇന്റർവെൻഷണൽ റേഡിയോളജി, കാർഡിയാക് കത്തീറ്ററൈസേഷൻ, പീഡിയാട്രിക് ഐസിയു, നിയോനാറ്റൽ ഐസിയു, എമർജൻസി എന്നീ സ്പെഷ്യാലിറ്റികളിൽ കൺസൽട്ടന്റ് തസ്തികകളിലുമാണ് ഒഴിവുകൾ. വിശദമായ ബയോഡേറ്റയും വിദ്യാഭ്യാസം, പ്രവൃത്തിപരിചയം തെളിയിക്കുന്ന രേഖകൾ, പാസ്പോർട്ട് എന്നിവയുടെ പകർപ്പുകളും സഹിതം rmt3.norka@kerala.gov.in ലേയ്ക്ക് അപേക്ഷ നൽകണം. ഇതിനായുളള അഭിമുഖം സെപ്റ്റംബർ 8, 9 തീയതികളിൽ ഹൈദരാബാദിൽ നടക്കും (വേദി: താജ് കൃഷ്ണ, റോഡ് നമ്പർ 1, മാഡ മൻസിൽ, ബഞ്ചാര ഹിൽസ്, ഹൈദരാബാദ്, തെലങ്കാന 500034).
സൗദി കമ്മീഷൻ ഫോർ ഹെൽത്ത് സ്പെഷ്യലിസ്റ്റ് വെബ്സൈറ്റിലെ Mumaris പ്ലസ് സേവനത്തിലൂടെ പ്രൊഫഷണൽ ക്ലാസ്സിഫിക്കേഷൻ നേടിയിരിക്കണം. സ്പെഷ്യാലിറ്റികളിൽ കുറഞ്ഞത് മൂന്നു വർഷത്തെ പ്രവൃത്തിപരിചയവും വേണം. പ്രായപരിധി 55 വയസ്സ്. അപേക്ഷകർ മുൻപ് SAMR പോർട്ടലിൽ രജിസ്റ്റർ ചെയ്തവരാകരുത്. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോർട്ടും ഉണ്ടാവണം. കൂടുതൽ വിവരങ്ങൾക്ക്: 0471-2770536, 539, 540, 577. നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) എന്നിവയിലും ബന്ധപ്പെടാം.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
