വട്ടംകുളം കുടുംബരോഗ്യ കേന്ദ്രത്തിലെ സായാഹ്ന ഒപിയിലേക്ക് 2024 ജൂലൈ മുതല് 2025 മാര്ച്ച് 31 വരെയുള്ള കാലയളവിലേക്ക് കരാറടിസ്ഥാനത്തില് ഒരു ഡോക്ടറെ നിയമിക്കുന്നു. എം.ബി.ബി.എസ്, ട്രാവന്കൂര് കൊച്ചിന് മെഡിക്കല് കൗണ്സില് രജിസ്ട്രേഷന് എന്നിവയാണ് യോഗ്യത. താല്പര്യമുള്ള ഉദ്യോഗാര്ത്ഥികള് നിശ്ചിത യോഗ്യതാ സര്ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്പ്പുകളും ബയോഡാറ്റയും ജൂണ് 14 ന് വൈകീട്ട് നാലിന് മുമ്പായി വട്ടംകുളം കുടുംബാരോഗ്യ കേന്ദ്രത്തില് സമര്പ്പിക്കണം. അഭിമുഖ തീയ്യതി പിന്നീട് അറിയിക്കും. കൂടുതല് വിവരങ്ങള്ക്ക് ഫോണ്: 0494 2689820.
മലപ്പുറം ജില്ലാ ഹോമിയോ ആശുപത്രിയിൽ ദിവസ വേതനാടിസ്ഥാനത്തിൽ ഫിസിയോ തെറാപ്പിസ്റ്റിനെ നിയമിക്കുന്നു. ബി.പി.ടി/ ഡി.പി.ടി ആണ് യോഗ്യത. അംഗീകൃത സ്ഥാപനത്തിൽ (ആശുപത്രികളിൽ) കുറഞ്ഞത് മൂന്നു വർഷം പ്രവൃത്തി പരിചയം ഉണ്ടായിരിക്കണം. യോഗ്യതയുള്ളവര്ക്കായി മലപ്പുറം മുണ്ടുപറമ്പിലുള്ള ജില്ലാ ഹോമിയോ ആശുപത്രിയില് വെച്ച് ജൂണ് 20 ഉച്ചയ്ക്ക് 12 ന് കൂടിക്കാഴ്ച നടക്കും. കൂടുതല് വിവരങ്ങള്ക്ക്: 9446614577
പരപ്പനങ്ങാടി സ്പെഷ്യൽ ടീച്ചേഴ്സ് ട്രെയിനിങ് സെന്ററില് ഫാക്കൽറ്റി ഇൻ സ്പെഷ്യൽ എഡ്യൂക്കേറ്റർ തസ്തികയിലേക്ക് നിയമനത്തിന് അപേക്ഷ ക്ഷണിച്ചു. ജൂണ് 19 നുള്ളില് അപേക്ഷിക്കണം. ജൂണ് 21 ന് മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തിൽ വെച്ച് അഭിമുഖം നടക്കും. കൂടുതല് വിവരങ്ങള് ddemlpm.blogspot.com എന്ന വെബ്സൈറ്റില് ലഭിക്കും. ഫോണ്: 0483-2734888, 8848789896.
