മലപ്പുറം: ബഹ്റിനില് നിന്നെത്തിയ പ്രവാസികളില് കോവിഡ് ലക്ഷണങ്ങള് കണ്ടെത്തിയത് നാല് പേര്ക്ക്. കോഴിക്കോട് സ്വദേശികളായ മൂന്ന് പേര്ക്കും പാലക്കാട് സ്വദേശിയായ ഒരാള്ക്കുമാണ് ആദ്യ ഘട്ട പരിശോധനയില്ത്തന്നെ രോഗ ലക്ഷണങ്ങള് കണ്ടതെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഇവരെ മറ്റു യാത്രക്കാര്ക്കൊപ്പം വിമാനത്താവളത്തിനുള്ളില് പ്രവേശിപ്പിക്കാതെ റണ്വെയില്ത്തന്നെ ആംബുലന്സുകള് കൊണ്ടുവന്ന് കോഴിക്കോട് ഗവ. മെഡിക്കല് കോളജ് ആശുപത്രിയിലെ ഐസൊലേഷന് കേന്ദ്രത്തില് പ്രവേശിപ്പിച്ചു.
ഇവരെ കൂടാതെ ചില ആരോഗ്യ പ്രശ്നങ്ങള് അനുഭവപ്പെട്ട കണ്ണൂര് സ്വദേശിനിയായ ഗര്ഭിണിയേയും ബൈപ്പാസ് ശസ്ത്രക്രിയ കഴിഞ്ഞ പത്തനംതിട്ട സ്വദേശിയേയും ഫിസ്റ്റുലയ്ക്ക് ചികിത്സയിലുള്ള കോഴിക്കോട് സ്വദേശിയേയും കോഴിക്കോട് ഗവ. മെഡിക്കല് കോളജ് ആശുപത്രിയിലേക്ക് മാറ്റി. അസ്ഥിരോഗത്തിന് ചികിത്സക്കായെത്തിയ മലപ്പുറം സ്വദേശിയെ കോഴിക്കോട് സ്വകാര്യ ആശുപത്രിയിലും പ്രവേശിപ്പിച്ചു. ഇവരെ ആരോഗ്യ വകുപ്പ് ഏര്പ്പെടുത്തിയ 108 ആംബുലന്സുകളിലാണ് വിമാനത്താവളത്തില് നിന്ന് കൊണ്ടുപോയത്.
